Së fundi Ministria e Kulturës i jep 'ok' lëvizjes "Foleja Kombëtare Shqiptare" - Ejani të festojmë së bashku!

Së fundi Ministria e Kulturës  i jep 'ok'   lëvizjes "Foleja Kombëtare Shqiptare"

Foleja Kombetare Shqiptare

Mirënjohje – Respekte!

NË MYNIH TË GJERMANISË MBAHET KUVENDI THEMELUES PËR MËSIMIN PLOTËSUES NË GJUHËN SHQIPE

Shkolla Shqipe në Bavari - Gjermani

NË MYNIH TË GJERMANISË MBAHET KUVENDI THEMELUES 

PËR MËSIMIN PLOTËSUES NË GJUHËN SHQIPE

Këshilli Nismëtar për Mësimin Plotësues i Gjuhën Shqipe në Bavari fton Mësues-it/et, Këshillat e Prindërve, shoqatat dhe bizneset, që jetojnë dhe veprojnë në Bavari, të cilat kanë pranuar ftesën, si dhe ato Këshilla të Prindërve që janë në formim e sipër të jenë të pranishme në Kuvendin themelues të saj. Njëkohësisht ftojmë edhe mediat e shkruara, ato elektronike dhe TV shqiptare. 

Këshilli Nismëtar për Mësimin Plotësues në Gjuhën Shqipe në Bavari, në bashkëpunim me Konsullatën e Përgjithshme të Republikës së Kosovës dhe Konsullatën e Përgjithshme të Republikës së Shqipërisë në Mynih, me Ministrinë e Diasporës të Republikës së Kosovës, në bashkëpunim edhe me shoqatat dhe bizneset, me mësuesit dhe prindërit që jetojnë e veprojnë në Bavari, pas një pune të madhe për fillimin e një procesi të gjerë të hapjes së shkollave shqipe në Bavari, dhe pas një pune të madhe logjistike, teknike dhe përmbajtjesore, ka arritur të organizoj Kuvendin Themelues për Mësimin Plotësues në Gjuhën Shqipe në Bavari. 

Në këtë Kuvend, do të debatohet rreth procesit të hapjes së shkollave shqipe, projekt, që ka për qëllim ruajtjen e kulturës, të gjuhës dhe identitetit kombëtar të fëmijëve tanë, do të analizohen rrethanat dhe kushtet për hapjen e shkollave shqipe, mënyrat e financimit, organizimit, sistemimit të mësuesve, trajnimit të tyre dhe procesit mësimor, e ndër tjera do të zgjedh edhe organet e saja udhëheqëse.
Njoftojmë se të pranishëm do të kem edhe Ministrin e Arsimit, shkencës dhe Teknologjisë të Republikës së Kosovës, z. Arsim Bajramin dhe Ministrin e Diasporës së Republikës së Kosovës, Valon Muratin, të cilët dhe kanë konfirmuar pjesëmarrjen e tyre. Ndërsa e ftuar është edhe Ministrja e Arsimit të Shqipërisë znj. Lindita Nikolla.

Kuvendi themelues mbahet më 23.04.2017, duke filluar nga 12:00, në:

IG InitiativGruppe - Interkulturelle Begegnung und Bildung e.V.

Karlstr. 48/50

80333 München / Gjermani.

Ardhja e juaj do të na nderoj neve dhe shkollën shqipe në Bavari.

Ju lutemi të na e konfirmoni pjesëmarrjen tuaj në emailin apo numrin e telefonit të mëposhtëm.

(tel.015751383105/ mustafekrasniqei45@gmail.com)

Për Këshillit Nismëtar të Mësimin

Plotësues në Gjuhën Shqipe

Mustafë Krasniqi

Më: 23 prill 2017, në orën 20.00 – në 5 kështjella shqiptare, do të ndizen flakadanë e pishtar

Në bedenat e  5 kështjellave shqiptare, do të ndizen flakadanë e pishtarë

Lëvizja ‘Foleja Kombëtare Shqiptare’ njofton, se ditën e dielë, në dt. 23 prill 2017, në orën 20.00 të mbrëmjes, të rinj e të reja do të ndezin pishtarët në bedenat e kështjellave të Krujës, Shkodrës, Lezhës, Prezës, Petrelës, me rastin e 550 vjetorit të betejës së fundit të Gjergj Kastriotit me fitore, me 24 prill 1467.

Me anën e flakëve të zjarrit, luftëtarët arbërorë lajmëruan kështjellat përreth për përfundimin e rrethimit të tretë të Krujës nga pushtuesi barbar osman.

Grupi i arbëreshëve do ta përjetojë me emocion ketë shenjë fitoreje nga bedenat e kështjellës ‘Rozafa’ të Shkodrës. 

O Sot o Kurrë! Përse duhet të protestojmë.

Posted on April 4, 2017 http://bletashqiptare.com

BLETA SHQIPTARE/

Zhvillimet e fundit politike po vërtetojnë përditë e më tepër se analiza e bërë nga Bleta Shqiptare është tejet e saktë. Palët e parisë së Tiranës, Edi Rama, Sali Berisha, Ilir Meta dhe mashat e tyre, si ato që qeverisin ashtu edhe ato në çadër, po e çojnë vendin drejt një gremine të frikshme të cilës nuk i shihet fundi. Qytetari i thjeshtë lebetitet me të drejtë kur kujton 97ën, po duhet të ndërgjegjësohet se pas evokimeve të Vranickit nga Meta, kërcënimeve për kufoma në Lanë nga Berisha, arrogancës së frikësuar të qeverisjes Rama e cila ka rritur çdo vit numrin e policëve,  insinuatave për rezistencë á la Mujo Ulqinaku kundër Perëndimit apo për hapje burgjesh nga Monika Kryemadhi, mund të vijë një furtunë që do e bënte vitin e mallkuar 1997 të dukej lojë fëmijësh. Kjo pari nuk mundet dhe nuk dëshiron t’u japë shqiptarëve nder, liri dhe siguri.

Më tej, të frikësuar nga mundësia e drejtësisë së vërtetë, më 30 Mars këta ligjëruan mosprekjen e tyre me anë të amendamentit 449. Me këtë amendament të kaluar me votat e PS, LSI, PDIU dhe me heshtje totale nga çadra e krimit të sekserave, doganierave dhe gjobëvënësve të Saliut që bërtasin edhe për gjëra të paqena, të gjithë ata që kanë një vendim gjykate nuk mund të ridënohen edhe nëse zbulohen fakte rënduese. Kjo është një amnisti për krimet e përbindshme që kanë kryer kundër shqiptarëve dhe tregon frikën e madhe që kanë këta nga shqiptarët. Kjo është amnistia për Dritan Priftin,Fatmir Mediun dhe Ilir Beqjan, Tom Doshin, Nard Ndokën, Ridvan Boden dhe Arben Ahmetajn, por mbi të gjitha kjo është një amnisti për Ilir Metën, Sali Berishën, Edi Ramën dhe të gjithë ministrat dhe zyrtarët e lartë të këtyre viteve. Madje nëpër korridoret e parisë thuhet se ky amendament ishte kushti i Metës për t’u ulur tek darka me hala e “Pazarit të Ri”. Ndaj dhe duhet të reagojmë, të protestojmë e t’u tregojmë se Shqipëria është e shqiptarëve dhe fundi i tradhtarëve. O sot o kurrë!

Po, por kush do të protestojë? Ne shqiptarët kemi dështuar në ndërtimin e një shoqërie të lirë, një shtetkombi modern, me strukturat e duhura në shërbim të interesit kombëtar, ku çdo shqiptar të jetojë i lirë, i sigurtë, me dinjitet e të ketë drejtësi. Derimësot ne kemi ndjekur këto grupe kriminale të strukturuara të cilat paraqiten si parti, të cilat për interesat e tyre e kanë djegur e shkatërruar vendin, kanë skllavëruar shqiptarët, i kanë shërbyer haptazi interesave të huaja, kanë çshqiptarizuar sa kanë mundur vendin, kanë favorizuar kontrollin e sektorëve kyçë prej pakicave, kanë zvetënuar shoqërinë, kanë krijuar mitin fals të parasë si instrumenti i vetëm shoqëror dhe e kanë shndërruar të keqen në normalitet. Të gjitha këto janë bërë nën “petkun” e demokracisë dhe lirisë. Ky është një mashtrim gjigand, një rrenë e madhe që na mban të skllavëruar si komb dhe nga e cila ka ardhur koha të ndahemi. Nuk mund të presim zgjidhje nga Sali Berisha e Lulzim Basha, nga Edi Rama e Ilir Meta, dhe e gjithë shpura e veglave e gjallesave politike që vegjetojnë nën hijen e tyre, sepse këta e kanë provuar veten hajna e kriminela. Kur ju prishen pazaret i nxjerrin njëri tjetrit të palarat, por sapo e gjejnë allishverishin e radhës bëhen sërish miq.

Ndaj duhet të ngrihemi e të protestojmë për t’ju treguar antishqiptarëve që na sundojnë se nuk ka vdekur ende shpirti i lirë i shqiptarit dhe se nuk e pranojmë këtë thundër të ndytë mbi vete. Ne shqiptarët nuk jemi skllevër. Sot është dita për t’u ngritur e për të protestuar kundër këtyre plehrave e bajgave të kombit shqiptar, këtyre shqiptarurrejtësve dhe shqiptarvrasësve të cilët nuk ndalen përpara asgjëje. O sot, o kurrë!

Po kush duhet të protestojë? Shqiptarët nuk jetojnë në një rend demokratik. Demokracia nuk mund të perceptohet si një carte blanche në duart e një grupi mafjozësh që kontrollojnë shtetin me anë të veprimtarive të tyre kriminale, dhe që riciklohen heraherës duke treguar me gisht mëkatet e shoshoqit. Demokracia nuk është instrument për të shkaktuar kaos sa herë që cënohen interesat kriminale e mafjoze të tyre. Demokracia është një sistem i organizimit të shtetit i cili mundëson përzgjedhjen e drejtuesve të tij për një kohë të caktuar sipas vullnetit qytetar. Nuk mund të ketë demokraci pa shtet, dhe nuk mund të ketë shtet efektiv pa legjitimimin e duhur nga populli. Zgjedhjet e lira dhe të ndershme janë kyçi i legjitimitit të pushtetit në një rend demokratik.

Mirëpo në Shqipëri nuk ka e nuk do të ketë zgjedhje të lira e të ndershme. Këta e kanë marrë peng shtetin, dhe zgjedhjet e tyre janë luftë bandash kriminale. Edhe zgjedhjet e ardhshme nuk do të dalin nga “tradita” e tyre hajnore madje edhe më keq se sa duket sepse po i afrohemi një konflikti të egër si ai i 97ës. Në këto zgjedhje që po vijnë me gjasë do flasë dhuna.

Gjithmonë humbësi konteston zgjedhjen si gjatë procesit ashtu edhe pas tij. Madje, shpeshherë këta bojkotojnë edhe parlamentin ama rrogat i marrin një më një. Këta votat i blejnë me një thes miell, i numërojnë me banditë si jua do qejfi, ligjet zgjedhore i ndërrojnë sipas midesë dhe madje i sjellin votuesit edhe me autobusa dhe avionë nga jashtë. Dhe pastaj kërkojnë paturpësisht “votë të lirë e të ndershme”. Qëllimi i tyre është të na tregojnë ne shqiptarëve se nuk kemi rrugëdalje tjetër, vota nuk ndryshon asgjë. Ti voton, ata numërojnë. Të gjithë shqiptarët e dinë se këta të gjithë vjedhin e tjetërsojnë votën pa u dridhur.

Dakord, por kush duhet të protestojë? Shqiptarët janë të ndryrë nga kjo pari. Edhe nëse t’a numërojnë votën, alternativat janë dy të këqija dhe ata të detyrojnë të zgjedhësh të keqen më të vogël. Çdo nismë tjetër me karakter kombëtar kooptohet, blihet, përdhunohet mediatikisht dhe shtypet edhe me forcë po të jetë nevoja. Mjafton të pyesim Kreshnik Spahiun sa lekë e shiti Aleancën Kuqezi dhe djalit të kujt politikani ja ka tanimë gjakun borxh?

Megjithëse shahen e skërmiten, me fjalor që do të turpëronte edhe rrugaçin më të zvetënuar, palët e parisë ja gjejnë gjuhën njëri tjetrit kur duhet. A nuk e gjetën Rama dhe Berisha gjuhën kur u desh ndërruar sistemi zgjedhor dhe kushtetuta më 2008 megjithëse ishin sharë nga familja? A nuk u shanë Rama dhe Meta para e prapa me sharje që asnjë njeri normal nuk do i duronte, dhe më pas u bënë sërish bashkë “për integrimin e vendit?” Skllavëria nuk ka nevojë të jetë e formalizuar, këta kontrollojnë të gjitha levat dhe i kanë shqiptarët skllevër. Ndaj ne të gjithë, shqiptarë e shqiptare që e duam Shqipërinë duhet të protestojmë e t’u tregojmë vendin këtyre plehrave të kombit. O sot o kurrë!

Por kush duhet të protestojë? Shqiptarët nuk janë sot të lirë. Liria e vërtetë e individit nuk mund të konceptohet në një boshësi shoqërore, sepse njerëzit nuk jetojnë në vetmi por në shoqëri. Kombi është struktura shoqërore më solide e cila legjitimon shtrëngesat e shtetit, e cila të shtyn t’a shohësh shqiptarin tjetër si vëlla e motër, e cila të pengon të skllavërosh vëllanë e motrën tënde të një gjaku, dhe nga e cila buron mirësia dhe vendosmëria për të ruajtur trashëgiminë dhe identitetin tonë. Këta kriminelë në qeverisje dhe opozitë, vazhdojnë t’a luftojnë kombin shqiptar me të gjitha forcat e mënyrat. Kombi është për ta pengesë themelore për shkak se kombi përfaqëson çdo gjë të mirë që kemi ne si shqiptarë, dashurinë për atdheun, dhembshurinë për njëri tjetrin, moralin njerëzor e qytetar dhe vendosmërinë për të bërë më të mirën. Këta nuk i duan shqiptarët të lirë, këta duan skllevër modernë të mbyllur në një burg gjigand çelësat e të cilit i kanë vetëm këta.  Ndaj ne duhet të protestojmë e tu tregojmë vendin këtyre plehrave të kombit.

Ka kohë që ne të Bletës Shqiptare bëjmë thirrje që shqiptarët të organizohen, të vetëdijësohen e të veprojnë. Për këtë kemi publikuar Manifestin Politik dhe një Thirrje popullit shqiptar. Ndaj e shohim si shpresëdhënëse thirrjen që ka dalë nga individë dhe shoqata të caktuara për të protestuar kundër nenit 449 të Shtunën data 8 Prill përpara Presidencës.

Ne do t’i bashkëngjitemi kësaj proteste dhe i ftojmë të gjithë simpatizantët dhe bashkëpunëtorët, edhe pse janë të zënë me halle të përditshme, punë etj. të gjithë shqiptarët që e duan veten, familjen, nderin, sigurinë dhe lirinë e tyre si shqiptarë të protestojnë kundër parisë së Tiranës, kundër nenit famëkeq 449, pa dallime kundër Edi Ramës dhe Sali Berishës, Ilir Metës dhe Lulzim Bashës dhe të gjitha veglave e mashave të tyre të zvetënuara. Liria nuk mund të blihet me para, si thotë kënga “se mjaft në robëri, o e mjera Shqipëri…”. O sot o kurrë!

Në qoftë se nuk dëshiron me protestue se ke qëllimet e tua, bëj një shëtitje rreth e rrotull, eja e flit me ne qoftë edhe për pak kohë.  Në qoftë se ke dyshime apo paqartësi, ndalu e pije një cigare me ne, të flasim së bashku për zgjidhjen e duhur. Në qoftë se nuk ke kohë të vish atë ditë në atë orë bisedo me ne tek numrat e telefonit që kemi postuar tek Fletëpalosja, kërkoje Bletën Shqiptare tek zyra jonë afër Vizion Plusit, merrni dhe shpërndani Manifestin tonë tek faqja bletashqiptare.com. Lexojeni, zgjohuni, vetëdijësohuni dhe organizohuni. Bleta shqiptare është gjithmonë me ju. Nuk zgjidhen problemet e Shqipërisë nën hijen e çadrës, e as nga kulisat e ngjalave të prishura apo peshkut që qelbet nga koka. Ato zgjidhen duke i nxjerr në shesh në dritën e diellit për t’i parë të gjithë. O sot o kurrë!

Rikthimi i Bijve të Shqipes në Folenë e Shqiponjave.

Lëvizja ‘Foleja Kombëtare Shqiptare’ në bashkëpunim me Shoqatën ‘La Svolta’, 

me Bashkitë e Lezhës, Krujës, Shkodrës, Durrësit dhe me dy Komuna arbëreshe në Kalabri, do të përkujtojnë 550-vjetorin e betejës së fundit me fitore të ushtrisë arbërore të udhëhequr nga Gjergj Kastrioti në Krujë, më 24 prill 1467, pas një rrethimi të tejzgjatur nga pushtuesi osman. 

Kjo ngjarje e rëndësishme mbarëkombëtare do të kryhet në datat, 22 - 24 prill 2017. 

Dëshirojmë që ‘Vallja e Fitores’ të bëhet traditë e përvitshme në Shqipëri, për të vizituar e demonstruar simbolikisht këtë ngjarje historike në Vendvarrimin e Heroit, në kështjellat e Lezhës, Krujës, Shkodrës, Kepit të Rodonit, Muzeun Arkeologjik dhe në Amfiteatrin e Durrësit sipas këtij programi: Do të vijnë 50 vetë (burra, djem, gra, vasha e fëmijë) të pajisur me veshje tradicionale. 

Në pasditen e dt. 22, grupi do të shkojë në Krujë, ku nga shtatorja e Gjergj Kastriotit, përmes Pazarit e deri brenda në Kështjellë, arbëreshët do të shpalosin traditën e kahmotshme të trashëguar nga brezi në brez për më tepër se 500 vite, të betejës për jetë a vdekje të ushtrive osmane-arbërore, ku nga më i moshuari e deri te më i mituri, do të ndalin vajtimin e do të shijojnë gëzimin e fitores. 

Ditën e dytë, në paraditen e dt. 23, grupi do të bëjë homazhe te Mauzoleu (vendvarrimi) i Gjergj Kastriotit në Lezhë, datë që përkon me ditëlindjen e Gjergjit, më 23 prill 1405 dhe ditën e martesës së tij me Donikën, më 23 prill 1451. Pasdite, grupi do të vizitojë Kështjellën ‘Rozafa’ në Shkodër, ku do të shpalosen traditat arbërore edhe atje. 

Ditën e tretë, në paraditen e dt. 24, grupi do të vizitojë kështjellat; në Lezhë e në Kepin e Rodonit. Pasdite, grupi do të vizitojë Muzeun Arkeologjik dhe në fund, Amfiteatrin e Durrësit.

Foleja Kombetare Shqiptare

Elida Jorgoni

Ilir Meta, 70 milion paund pasuri në Angli; Shqipëria në prag të fortunave politiko-financiare.

aleksanderhasanas

February 5, 2017

Albania, Lajme, Lajme Korupsion, Shqiperi

Comments

Edit

Sipas gazetarit Artan Hoxha, gazetarë anglezë që kanë rënë në gjurmët e kompanie shqiptare të regjistruar në Londër, është mbulesë e një politikani shumë të fuqishëm shqiptar, i cili ka 51 tituj pronësie, me një vlerë prej 70 milion paund, të cilat janë investuar në zonën A të Londrës, dhe këto prona janë në emrin e një shqiptari nga një rreth i veriut të Shqipërisë. E gjithë kjo pasuri sipas gazetarit Hoxha është vënë nëpërmjet bursës së arit në vitet 2002-2003, dhe anglezëve u rezulton se ky është ar i ardhur nga Shqipëria. Por kush është ky politikan i fuqishëm shqiptar që ka një pasuri të tillë në Londër, prej 70 milion paundësh e barazvlefshme me 100 milion dollarë?

Gazetari nuk u prononcua për emrin e politikanit shqiptar, por të gjitha gjurmët të çojnë tek Ilir Meta. Meta është njeriu i përfolur për vjedhjen e floririt të Krrabës si dhe për të tjera skandale financiare. Kumbari i Kompanisë “DIA” po hetohet gjithashtu edhe nga institucione investigimi amerikane për pastrim parash, së bashku me të birin e ish-kryeministrit Berisha.

Një rrjet gazetarësh në Londër po hetojnë në lidhje me kooperturën politike të 70 milion paundve, dhe pritet që shumë shpejt hetimi të shtrihet edhe në Tiranë.

Kjo është edhe arësyeja që në Shqipëri nuk implementohet Reforma në Drejtësi si edhe vonohet Byroja e Hetimit.

Bashkëshortja e Ilir Metës i ka deklaruar para ca kohësh ca miqve të saj se shumë shpejt do të marr fëmijët dhe do të jetoj në Londër.

Shqipëria është e përfshirë fuqishëm në grupin e vendeve tek të cilat institucione të specializuara investigimi ndërkombëtare po hetojnë për përfshirje të politikanëve në fshehje parashë dhe në afera të mëdha korruptive…

Demokracia kudo në botë është e rrezikuar nga politikanë të lidhur fort me krimin politik dhe financiarë./Pamfleti.com

Shkupi më 1919: ZERO për/qind maqedonas, 81.31% e popullsisë shqiptarë.

Fitim Rifati

Shkupi dhe rrethina e tij i takojnë territorit të Dardanisë antike, përkatësisht trungut iliro-shqiptar të Kosovës historike. Në dy dekadat e fundit të shekullit XIX, deri në vitin 1912, Shkupi ushtroi funksionin – statusin e kryeqytetit administrativ përbrenda një territori prej 32.000 kilometrave në katrorë të Vilajetit të Kosovës.

Pas pushtimit dhe aneksimit serb të Kosovës më 1912, Shkupi mori statusin e Qarkut të cilin e vazhdoi edhe gjatë pushtimit dhe administrimit bullgar (1915-1918).

Pozita gjeostrategjike ka ndikuar që ky qytet të tërheq vëmendjen e pushtuesve të ndryshëm, si qendër e rëndësishme administrative dhe udhëkryq i lidhjeve ekonomike, shoqërore dhe kulturore ndërmjet popujve të Evropës dhe më gjerë. Udhëpërshkrues, diplomatë e studiues të huaj, në vlerësimet e tyre kanë dhënë prova të rëndësishme historike, arkeologjike, demografike dhe kulturore të shqiptarësisë së Shkupit.

Paralelisht me ndryshimet administrative, demografia e Kosovës ka zgjuar interes të madh në qarqe të ndryshme gjatë shekullit XIX dhe dy dekadat e para të shekullit XX. Pos organeve administrative osmane që bënë regjistrimin e popullsisë së Vilajetit të Kosovës, edhe organet administrative serbe, malazeze, bullgare e austro-hungareze hartuan statistika të popullsisë së Kosovës në harkun kohor të viteve 1913-1918.

Në të gjitha këto statistika, popullsia shqiptare përbën shumicën e popullsisë së Kosovës, madje edhe shumicën e popullsisë së Shkupit dhe viseve përreth. Në këtë kontekst, në studimet demografike dhe historike, zgjojnë interes edhe statistika të popullsisë së Kosovës, rrjedhimisht edhe të kryeqendrës historike të saj, Shkupit, të hartuara nga qarqe e organizata intelektuale dhe politike shqiptare. Në mesin e tyre zë vend të rëndësishëm edhe një statistikë e popullsisë së Kosovës e hartuar me objektivitet nga Komiteti “Mbrojtja Kombëtare e Kosovës”.

Ky Komitet, i cili u formua më 1 maj të vitit 1918 në Shkodër, ishte një organizatë shqiptare në gjirin e së cilës u mblodhën e vepruan intelektualë e prijës të shquar shqiptarë nga Kosova dhe vise të tjera shqiptare. Qëllimi i këtij Komiteti ishte çlirimi dhe bashkimi i Kosovës (Shkupit, Kumanovës, Preshevës, Tetovës, Gostivarit, Kaçanikut, Ferizajt, Gjilanit, Prishtinës, Vushtrrisë, Mitrovicës, Pazarit të Ri, Rozhajës, Pejës, Plavës, Gucisë, Gjakovës, Prizrenit) me Shqipërinë. Që në momentin kur përfundoi Lufta e Parë Botërore (nëntor 1918), në janar të vitit 1919 Fuqitë Aleate (SHBA, Britania e Madhe, Franca dhe Italia) u mblodhën në Paris, për të vendosur mbi paqen në Evropë e rrjedhimisht edhe ndryshimin e kufijve të saj.

Gjatë kësaj kohe, Komiteti “Mbrojtja Kombëtare e Kosovës” me kryetar Hoxhë Kadri Prishtinën, u tregua mjaft aktiv që Konferencës së Paqes në Paris t’i ofronte argumente të pa kontestueshme për shqiptarësinë e Kosovës, mizoritë serbo-malazeze e bullgare, që ishin ushtruar ndaj shqiptarëve në vitet 1912-1918 si pasojë e vendimeve të Konferencës së Ambasadorëve në Londër më 1913, të cilat copëtuan Kosovën dhe vise të tjera shqiptare në kurriz të monarkive pushtuese ballkanike.

Ky Komitet hartoi dhe i dërgoi kësaj Konference statistika serioze e të paanshme të popullsisë së Kosovës, në të cilat paraqiteshin të dhëna për numrin e përgjithshëm të saj nëpër qytete dhe fshatra, përkatësinë etnike etj. Në këto statistika, që përputheshin me regjistrimet e mëparshme, vërehej zvogëlimi i popullsisë së përgjithshme në Kosovë, veçanërisht asaj shqiptare, si pasojë e vrasjeve e emigrimit gjatë Luftërave Ballkanike e Luftës së Parë Botërore dhe spikat një rritje e ndjeshme e elementit serb për shkak të pushtimit dhe kolonizimit serb të Kosovës.

Në këto pasqyra statistikore të popullsisë, që iu dërguan Konferencës së Paqes në Paris më 1919, në kudër të 18 qendrave territoriale e administrative, përfshihej edhe numri i përgjithshëm i popullsisë së Shkupit dhe rrethinës dhe përkatësia etnike e saj. Sipas tyre Shkupi me rrethinë në këtë kohë numëronte një popullsi prej 184,825 banorë, nga e cila 150,290 frymë ose 81.31 për qind ishin shqiptarë, 28.244 frymë ose 15.28 për qind ishin bullgarë, 3.363 frymë ose 1.81 për qind ishin turq, 1.400 frymë ose 0.75 për qind ishin boshnjakë, 650 frymë ose ishin 0.35 për qind grekë, 567 frymë ose 0.30 për qind ishin çifutë, 255 frymë ose 0.13 për qind ishin serbë dhe 56 frymë ose 0.03 për qind e popullsisë ishin vlleh.

Pra, në studimet dhe vlerësimet demografike-statistikore të Komitetit “Mbrojtja Kombëtare e Kosovës”, në këtë kryeqendër të Kosovës dhe viset përreth saj jetonte një popullsi shumetnike, e cila për nga numri i përgjithshëm i saj dominohej nga shqiptarët. Duhet theksuar se statistikat në fjalë të hartuara nga ky Komitet u përdorën për t’i tërhequr vëmendjen Konferencës së Paqes në Paris, që Fuqitë Aleate të gjykonin objektivisht ndaj çështjes së shqiptarëve të Kosovës e viseve të tjera shqiptare dhe të vendosnin e njihnin bashkimin e kësaj treve (përfshi edhe kryeqendrën e saj, Shkupin) me Shqipërinë.

Lajmi më i fundit - Djemtë e Shqipes - dënohen me 60 ditë burg.

Arben Llalla

Tetovë, Tetovo Municipality, Republic of Macedonia · 

Sipas lajmeve nga Greqia 7 ushtarët e ushtrisë së Greqisë që bënë simbolin e shqiptarëve, Shqiponjën u dënuan me 60 ditë burg.

Nuk mund të themi se dënimi është i drejtë apo i padrejtë por mund të ngremë një sërë pikpyetjesh.

Sikur thanë që do tju hiqnin shtetësinë greke? 

Sikur tha Kammenos pas takimit që kishte me Vangjel Dulen se do ti dënonte 5 deri 7 vite burg?

Plot deklaruan grekët dhe Greqia zyrtare për këtë fotografi, vetëm institucionet zyrtare të Shqipërisë nuk u deklaruan për këtë foto. Përse? 

Sepse Shqipëria nuk hynë në ujëra të trubullta, ky skenar dihej dhe përfundoj ashtu siç duhet, me 60 ditë burg, asgjë sjanë 60 ditë përpara zhurmës së madhe që bëri Greqia dhe i shëndoshi i fortesës Grekët Kombëtar të Pavarur, ministri i mbrojtjes Panos Kammenos.

NGA PROCESVERBALI I DEPONIMEVE TE DIVERSANTIT SEIT BYLIKBASHIT ( SPIUN ANGLEZ)

PJESË NGA PROCESVERBALI I DEPONIMEVE TE DIVERSANTIT

 SEIT BYLIKBASHIT ( SPIUN ANGLEZ)

Seit Bylykbashi: Në mesnatën e 15 nëntorit zbarkova me varkë në pyllin e Divjakës

Në arkivat e Ministrisë së Punëve të Jashtme. Deponimet e diversantëve të viteve ' 50 “Ishim katër persona që u nisëm atë natë nga brigjet e Italisë, ku drejtori anglez na pajisi me hartën e Shqipërisë, 10 copë trakte të Komitetit ‘ Shqipëria e Lirë’ Veprimtaria e emigracionit reaksionar shqiptar", të cilat kryesisht përmbajnë dokumente të viteve ' 50, kur në Shqipërinë komuniste të asaj kohe ishte intensifikuar puna e Perëndimit, e cila në bashkëveprim me komitetin " Shqipëria e Lirë" synonte rrëzimin e pushtetit komunist të Enver Hoxhës. 

Shumë ngjarje dhe dëshmi janë thënë për atë periudhë aksionesh të heronjve antikomunistë, të cilat edhe janë besuar, edhe nuk janë besuar plotësisht për vetë faktin se për të thënë të vërtetën, është kërkuar më shumë se rrëfim. Më së shumti historitë dhe ngjarjet e njerëzve që kanë dhënë kontribut personal për përmbysjen e regjimit komunist në Shqipëri, aq sa kanë rënë në krye të këtij misioni, në shumë raste kanë tingëlluar si të stisura dhe si legjenda. 

Pikërisht për këtë arsye redaksia e gazetës sonë po përqendrohet në dosjet e këtij arkivi, ku flitet për gjyqet dhe deklarimet e atyre, që në gjuhën e kohës quheshin diversantë. Në zbardhjen e këtyre dosjeve, ne po u qëndrojmë besnikë dokumenteve të njëpasnjëshme të kësaj dosjeje, që do të anonçojmë përditë. 

Gjuha e dialektike dhe terminologjia e të shkruarit në dokumentin e arkivuar zbardhet me rigorozitet absolutisht të plotë. Në numrin e sotëm zbardhet dokumenti që bën fjalë për procesverbalin e deponimeve të Seit Bylykbashit, ardhur në Shqipëri nëpërmjet detit, i nisur prej brigjeve të Italisë në 15 nëntor të vitit 1949. 

Pse Seit Bylykbashi është akuzuar si bashkëpunëtor i zbulimeve sekrete angleze? 

Çfarë ka deponuar ai në procesin e zhurmshëm të ngritur për të dhe grupin që bashkëpunonte? Cila ishte historia e shkollës së zbulimit që kishin ndërtuar anglezët në interes të luftës së ftohtë për përmbysjen e komunizmit shqiptar? Cila është historia e jetës dhe përgatitjes së Seit Bylykbashit që prej përgatitjes deri në zbarkim në bregdetin e Divjakës në Lushnjë prej nga përfundoi në grackën e Sigurimit komunist, si pasojë e organizimit të Radiolojës " Bredhi i Gjelbër"? 

Këto dhe shumë hollësi tepër interesante në shërbim të historisë së luftës së ftohtë për rrëzimin e komunizmit mësohen pikërisht në shkrimin e mëposhtëm, referuar fjalës ekzakte të mbajtur nga vetë i pandehuri Bylykbashi para trupit gjykues të procesit të tij. Ajo që marrim përsipër të reduktojmë në këtë lloj zbardhjeje dokumenti historik është ndërhyrja për korrigjime sporadike të gabimeve ortografike, kjo gjithmonë në rastet kur nuk ndryshon kuptimi. 

PJESË TË NXJERRA NGA PROCESVERBALI I DEPONIMEVE TE DIVERSANTIT SEIT BYLIKBASHIT

 ( SPIUN ANGLEZ) I ARDHUR ME 15 NËNTOR 1949 NË VENDIN TONË NGA ITALIA, 

ME ANË TË NJË BARKE ZBRITUR NË BREGDETIN SHQIPTAR NË PISHAT E DIVJAKËS.

Aty në kamp u hapën disa kurse për gjuhë anglisht, këpucëbërës e të tjera.

Pas mbarimit të kursit, ne të katërt në mesnatë arritëm me makinë në anë të detit pranë Barit. Atje gjetëm tre vetë. Njëri prej këtyre mori makinën dhe iku, ndërsa ne të katërt, unë Hasani dhe ata të dy që gjetëm aty, hipëm në një barkë që gjetëm aty dhe erdhëm të nesërmen mbrëma në breg të detit shqiptar me pisha, në Divjakë, që quhej Fobishell.

Pyetje: Kush i organizoi shqiptarët e arratisur? Përgjigje: Italianët, anglezët, amerikanët, për t'i rikthyer në Shqipëri për të luftuar, duke i ndihmuar anglezët dhe amerikanët. Anglezët dhe amerikanët formuan Komitetin " Shqipëria e Lirë" për të organizuar kundra Shqipërisë. Drejtimin e këtij komiteti e kishin anglezët e amerikanët.

Në kamp kam ndenjtur gati 8 muaj.

Pastaj na thërritën në Drejtori mua, Mustafa Toshën dhe Shahin Çosen.

Në Drejtori gjetëm Fobishek dhe Robot.

Fobishek na tha se ju do të sh-koni me këtë civilin, i cili kishte vetëm pseudonimin Hasen, ishte një anglez, ai më tha se ne kemi marrë emrat tuaj në Romë te njëri i quajtur Halil Maçi, i cili kishte lidhje me anglezët.

Pastaj na çuan në një vend në veri- perëndim të Barit, ku gjetëm dhe ushtarët anglezë.

Kjo ishte një shtëpi. Këtu Hasani na tha se ju do të mësoni radion se së shpejti do të niseni për në Shqipëri dhe do të punoni për veten tuaj. Do të na jepni ne informata, Hasani na tha se unë kam qenë në Shqipëri në Dukat, në Shkodër, etj., dhe kam marrë angazhime të punoj për llogari të spiunazhëve anglezë dhe amerikanë. 

Si instruktor kemi pasur vetëm Hasanin, të gjithë neve të Barit jemi lidhur me spiunazhin e huaj me anglezë- amerikanë, mbasi na thirrën që të vinim në Drejtori, atje gjetëm nëndrejtorin Fobicekun dhe një anglez e një sekretar. Na pyetën kush di shkrim dhe këndim, nga ne Mustafa Dushati dinte më mirë, pastaj unë, një që nuk dinte e la, në kurs na mësonte shifra, p. sh numri 13 çfarë shkronje është, numri 7 çfarë shkronje është etj. 

Këtu do të qëndronim më shumë, por erdhi urdhri të niseshim se erdhi dimri dhe na dhanë urdhër se duhet të shkonim në Shqipëri, Abazi, Xhemal Brahimi, Turhan Aliko, Petrit Butka, Mustafa Doke, Pëllumb Feriku, Vehip Smokthina, ndërsa Ago Dautin e hoqën më vonë, por nuk dihet se ku e shpunë.

Pyetje: Nga Malta a kanë ardhur grupe të tjera në Shqipëri? Përgjigje: Kanë ardhur në vitin 1949 dhe 1950.

Në vitin 1949 janë 7 grupe: Grupi i parë përbëhej nga: Hysen Lepenica, Sami Lepenica, Zagoll Gjormi dhe Safet Abazi

https://milibutka.blogspot.al

=========================================================================

Nata e Vitit të Ri TVSH-ja, sfidon televizionet më të mëdha të vendit - shkruan Vepror Hasani.

Nata e Vitit të Ri

TVSH-ja, sfidon televizionet më të mëdha të vendit

Nga Vepror Hasani

Ishte çelja gazmore e programit që na mbajti mbërthyer te Televizioni Shqiptar. Kontrolluam disa herë stacionet televizive më të mëdha të vendit dhe përsëri mbetëm aty. Programi kishte nisur bukur dhe me humor dhe nuk dinim çfarë do të ndodhte më pas. Dy konferencierët: “gjiganti”  Romir Zalla dhe “e vogla” Ervina Kotolloshi, e njohur si “Ponja”, personazh i interpretuar me sukses prej saj, paralajmëronin prezantim të këndshëm të spektalit. Ata të dy na kujtonin Olion dhe Stelion. Zalla njihet për finesë në humor, Kotolloshi ngjall kërshëri edhe pa folur. 

Qeshnim edhe kur ata të dy nuk kishin filluar të flisnin. Përzgjedhja e konferencierve ishte një

zgjidhje e mirë. Që në start TVSH-ja ishte disa pikë më përpara me stacionet e tjera televizive. Kamera, si padashur, na tregoi këngëtarët që merrnin pjesë: Luan Zhegu, Kozma Dushi, Valbona Halili, Eli Fara etj. Kërshëria u shtua së tepërmi. Po aktorët kush do të ishin? Prej kamerave u shfaq një pjesë e tyre: Marjana Kondi, Zyliha Miloti, Zef Deda, Zamira Kita, Gent Hazizaj, Elvis Pupa etj. Fillimi i spektalit intrigonte kujdesshëm për të tërhequr vëmendjen e publikut.

Kritikë

Regjia e spektaklit paralajmëroi natyrshëm edhe diçka tjetër. Programi festiv, përveç këngëve dhe humorit, do të përcillte edhe kritikë ndaj të metave të vërejtura në art dhe muzikë. Nuk do të bëhej humor për humor, ashtu siç ndodh rëndom ditëve të sotme. Edhe kjo gjë i nxiti njerëzit ta ndiqnin me vëmendje programin e Televizionit Shqiptar. Kozma Dushi, bie fjala, nuk dëshironte të ishte qoftë edhe për një çast të vetëm këngëtar i një teksti të pavlerë, i shoqëruar nga një kor që përsërit të njëjtat fjalë pa asnjë ide. Komi u ngrit të këndojë dhe nuk e çoi këngën deri në fund sepse kërkonte që kënga e tij, ose të ishte e përkryer, ose të mos ekzistonte fare. Kështu e përcolli së paku regjia mesazhin e këtij aspekti. Për Komin, vetëm gjërat e vërteta jetojnë gjatë, dhe ai kishte të drejtë. Humori i viteve të shkuara  e tregoi më së miri këtë gjë. Pjesa humoristike “Sheqer apo krypë”, u kujtoi të gjithëve lojën e shkëlqyer të aktorëve Durrsakë. Sërish u ndoq me vëmendje të veçantë, njësoj sikur të shfaqej për herë të parë. Çdonjëri kujtonte sa shumë kishte qeshur me këtë skeç të 30 viteve më parë dhe prapë qeshte po njëlloj. E pabesueshme! Artin nuk e zbukurojnë pantallonat e grisura, as harresa e këngëtarve të vjetër, as ftesat për pjesëmarrje pa pagesë,  tha Kozma Dushi, jo pa ironi. 

    

 Vlera dhe antivlera

Pas këtij momenti teleshikuesi kuptoi mirë çfarë do të shihte dhe do të dëgjonte nga programi i natës së Vitit të Ri. Vlerat e vërteta nuk braktisen nga askush. Nuk do të kishte zhgënjim. Në skenë u ngjitën instrumentistët e talentuar të familjes Qerimi. Në lokalin ku festohej nata e Vitit të Ri mbretëroi heshtja. Deri në përfundim të interpretimit nuk u dëgjua asnjë zë. Arti i tyre nuk ka “silikon”, gjithçka është bio, ashtu sikurse pjesa humoristike e aktorit Sejfulla Myftari me “Alooo, Lushnja... më jepni munalen....”.  E njëjta gjë ndodhi edhe kur këndoi aktori i mirënjohur Erion Mustafaraj, i njohur ndryshe si “Beni ecën vetë”. Përmes humorit, ai ironizoi me antivlerat: “Këngët nuk dëgjohen më, - tha Mustafaraj, - por shikohen, që një këngë të jetë e përbotshme, duhet të ketë pak rrok, pak tallava, pak nga të gjitha…”. Pas tij, aktorët shkodranë interpretuan pjesën  e mirënjohur humoristike “Kunati i shokut Xhemal”. Edhe pse që nga ajo kohë kanë kaluar gati 30 vjet, shumë fenomene janë përkeqësuar. Qeveritarët sillen si pashallarë; të kesh mik një ministër të hapen të gjitha dyertë. Kritika e spektaklit shoqërohej vazhdimisht me humor. Nga të pranishmit u tha se gjithçka ishte realizuar nën kujdesin e Drejtorit të Përgjithshëm të Radiotelevizionit Shqiptar, Thoma Gëllçi.

Artistët

Këngëtari Luan Zhegu i dha atmosferës festive një bukuri tjetër. “Këngët e rinisë” të kënduar prej tij, u shoqëruan nga të pranishmit që gjendeshin në ambientet ku festohej. Këshu ndodhi edhe me këngën  tjetër të tij “A do të vish”. Refreni: “Alo, alo, ty të dëgjoja dhe zërin tënd të ngrohtë unë pranë e doja, se fsheha lumturinë dhe në çast të thashë të dua, dhe kjo ndodh me çdo njeri”. Edhe kënga e fqinjës ngjalli emocionin e viteve të shkuara. Ndërkaq, aktorja Marjana Kondi bëri një rrëfim artistik për gratë e viteve të shkuara. As kondi nuk ndenji pa qëlluar mbi zhvlerësimin e asrtit të sotëm. Mjeshtëria e lojës aktriale të saj i bëri njerëzit të qeshnin me gjithë shpirt, por Kondi sikur ta dintë ç’po ndodhte në një nga lokalet e Korçës, tha: Sot është më lehtë ti bësh njerëzit për të qarë dhe shumë e vështirë ti bësh të qeshësh. Shumë nga ata që bënin humor shtoi Kondi, nuk jetojnë më. Ndoshta aktorja donte të thoshte: Nuk është mirë kur artistët ndahen nga jeta të harruar. Pas Kondit këndoi Zyliha Miloti. Spektakli vahdonte të mbante mbërthyer vëmendjen e njerëzve

Përmbyllja

Nuk mund të ndalemi në çdo aspekt të spektaklit madhështor të Televizonit Shqiptar. Shkurtimisht po bëjmë një parkalim të tyre: Valbona Halili këndoi këngën e dadës; Elvis Pupa, tregoi për djemtë emigrantë dhe për vajzat e mbetura pa martuar; aktorja Zamira Kita solli botën e thashethemeve të qytetit të Korçës. Rrëfeu një histori si e bënë me barrë një vajzë të beqare. Njerëzit qeshnin me të madhe. Ia njohin këtë dobësi qytetit të Korçës. Nuk bën dot pa thashëetheme. Me të qeshura të shumta u shoqërua edhe pjesa humoristike e aktorëve të Fierit, të quajtur “Globalizmi, ku njerëzit për filxhanë përdornin kana uji, për lugë përdornin garuzhde, për qirasje përdornin tepsi etj. Krahasuar me ditët e sotme ngjarja paraqitej tejet anakronike. Kjo ishte dhe arsyeja e qeshjeve të mëdha. Gent Hazizaj rrëfeu një ngjarje që shkonte shumë mirë më zotimet e politikanëve të sotëm, që premtojnë gjithçka që u kërkohet dhe nuk bëjnë asgjë. Pas tyre këndoi Eli Fara. Gjithçka ishte mbresëlënëse. Spektakli i natës së Vitit të Ri ishte një festë që do të mbahet mend, gjithkush ka çfarë të tregojë prej saj, për të gjithë ata që nuk patën mundësi ta ndiqnin. Ishte vërtetë një sfidë për gjithë televizionet e tjera.  

       

Nga:

       Vepror Hasani

https://kanunitv.blogspot.al/

SISTEMI POLITIK “COSA NOSTRA” - Shkruan Besim Dervishi

BESIM DERVISHI

“…Une nuk flas per mafie te re ose mafie te vjeter. As per mafie socialiste apo demokratike, po ti referohem ketyre termave na dalin shume mafie ndaj une i njohe vetem me termin Krimi i Organizuar…”

/ Rocco Chinnicci- Magjistrat Italian i ekzekutuar nga mafia/

35 vjet me pare shkrimtari i shquar italian njeheresh autori i romanit denoncues “Il Giorno della Civetta” Leonardo Sciascia,  zeri me kritik i Italise se atyre viteve i zhgenjyer nga elita e korruptuar politike do te thoshte; Demokracia nuk egziston me. Shteti per mua eshte Kushtetuta. Kushtetuta nuk egziston. Nuk egziston as ne sensin teknik.

Sipas disa juristeve aktualishte jemi ne nje faze para- Monteskje. Tre Pushtetet (Gjyqesori, Legjislativi dhe Ekzekutivi) qe duhet te jene te pavarura nga njeri – tjetri, jane riunifikuar ne nje pushtet nga “Partitokracia”. Partite bejne ligjet, i ekzekutojne ato, zgjedhin gjykatat dhe i kontrollojne ato!

Per fat te keq  ky eshte realiteti sot ne Shqiperi, partitokratet sot   “de facto” kontrollojne gjithe jeten e vendit. Pervec sferes politike dora e padukshme  pushtetit okult kontrollon edhe sferen ekonomiko- financiare. Jane me qindra tendera publike qe kontrollohen nga dora e pushtetit okult. Jane me qindra dhe mijera vende pune qe ndahen dhe rindahen nga pushteti okult. Jane me dhjetra ligje dhe akte nenligjore te cilat dalin ne interes te pushtetit okult.

Jane me  mijera rrenje droge qe kane protektor pushtetin okult. Jane me qindra dhe mijera anije dhe vapora qe kalojne pa dogane me urdher te pushtetit okult. Jane me qindra biznese te vogla dhe medha te cilat i paguajne “harac” pushtetin okult. Jane me dhjetra kanale televizive, gazeta, faqe interneti, gazetar,  te veteshpallur analist, si dhe me qindra e qindra militante neper rrjete sociale te cilet paguhen per te propaganduar ne interes te pushtetin okult.

Mjetet e informacionit kane rendesi per pushtetin okult se sic thoshte gazetari i shquar  antimafia Xhuzepe Fava ;…Shoqerit e korruptuara te lidhura me krimin e organizuar komandohet mbi te gjitha nga ata qe kane aftesin por dhe mundesin per te bindur. Per te bindur qe te votohet nje  parti. 

Ne keto shoqeri padron jane ata qe kane ne dore masmedian, ata qe zotrojne dhe perdorin mjetet e informimit, televizionin, gazetat, radion. Duke thene nje gje 500 mije, 1  milion, 3 milion persona jane duke te degjuar dhe ne fund ju keni arritur te modifikoni mendimet tuaja ne mendjen e tyre.Kështu duke ndryshuar mendimet e njerëzve, ditë pas dite, muaj pas muaji, ju shkoni duke krijuar nje shoqeri te bindur ndaj pushtetit okult……! Dhe keshtu dale  nga dale populli eshte kthyer  papandehur ne cirak te pushtetit okult.

Strukturat, menyra e organizimit  si dhe ajo e operimit te partive te korruptuara politike  ngjajne me strukturat hierarkike te organizatave me  famkeqe mafioze  te tipit Cosa Nostra. “De jure” partite kane statute, organe drejtuese, KPD-ra, Keshilla te ashtequajtura Kombetare por ne fakt askush nuk pyetet ne keto organizma formal.

Ne krye te kupoles eshte Bosi i Partise, nje fjale e tij mjafton te zgjedhi ne poste me te larta te shtetit, por nga ana tjeter mjafton qe te shkaterroj politikishte. Nje fjale tij ne mes te turmave “froidjane” mund ti hedhe benzines zjarrit, por nga ana tjeter mund edhe ta shuaj ate. Fjala e Bosit eshte ligj  sipas devizes diktatoriale “Partia jame une”.  

Gjithmon afer Bosit jane nje rreth i ngushte miqesh, shokesh, biznesmenesh apo partitokrat me pervoje te cilet luajne rolin e “keshilltarit” dhe financierve te partise,  te ashtequajturit biznesmen zakonishte jane njerez me te kaluar te dyshimte. “Puna” e tyre eshte te financojne fushatat e partive ne shkembim te perfitimeve nga   kontratat dhe tenderat publik me vlera  qindra milione dollare.

 Gjithmon Bosi i Partise cakton pasardhesin e tij nen hije dhe i gateshem per te vjedhur “zanatin”, por shume shpeshe ai eshte syri dhe veshi i partise. Te gjitha fijet ne baze lidhen me kapot e vegjel neper rrethe dhe qarqe te cilet jane fanatik te kryetarit dhe bejne propaganden e tij, per kete veprimtari ne sherbim te bosit ata shperblehen me poste te rendesishme publike, me perfitime ekonomiko- financiare nga resurset e shumta kombetare, keta kolltukofag mbajne lidhje me djem te ashtequajtur te forte qe shpeshe here i perdorin diten e zgjedhjeve ne rolin e “krahut te armatosur” te partise.

Dhe si gjithmone ne fund jane militantet, te genjyerit, hallexhinjte dhe te mashtruarit

nga propaganda e shplarjes se trurit….. Menyra e operimit  te partitokrateve i ngjane rrymes mafiose te ashtequajtur “Kufarizmi”. Cfare eshte “Kufarizmi politik”? “Kufarizmi” eshte rryme pseudopolitike, antishoqerore me tipare thellesishte mafioze e lindur ne Sicili.

Ajo e ka mare emrin nga nje politikan i quajtur Toto Kufaro ish president i Sicilise ne vitin 2001 dhe 2006. Kufaro u be i njohur ne vitin 1991 kur gjate nje debate drejteperdrejte ne televizion sulmoje gjykatesin Falkone dhe gazetarin Mauricio Kostanco se gjoja kishin nje plan kunder Partise Demokristiane. Kufarizmi eshte nje rryme e cila bazohet tek interesi i ndersjellte midis partise dhe grupeve okulte.

Kufaro shfaqej ne publik si njeri babaxhan, si shpetimtar i elektoratit dhe zgjidhesi i halleve me shkop magjik. Pseudonimi i tij ishte “Toto Kiss -Kiss”, ngase  ai  pelqente te puthte cdo njeri qe takonte per tu treguar sa me “popullor” me elektoratin. Ishte nje politikan qe sipas gazetarve mbante mend emrat e 1 milion votuesve, madje emrat e femijeve te tyre, grave te tyre, adresat e shtepive te tyre, hallet familjare te tyre. “Kufarizmi” ishte nje sistem qeverises qe bazohej ne akumulimin dhe administrimin e te mirave publike, pastaj rishperndarjen e tyre duke i shnderruar qytetaret ne argat te partive te korruptuara politike.

“Kufarizmi” eshte nje rryme ku mafia bene politiken. Fundi i Toto Kufaro  qe i shpejte dhe i rende. Ai u shkarkua nga posti i Presidentit te Sicilise dhe i kaloje gjyqit me akuzen e bashkepunimit ne Asosacione Mafioze.Ne fund gjyqi vendosi denimin me burg dhe perjashtimin  perjete nga e drejta per tu zgjedhur ne poste publike. A ju kujton modeli i “Kufarizmit Politik” modelin e operimit  te elites politike keto 26 vjet ne Shqiperi?

Nje elite politike e cila teresishte eshte e lidhur pas interesit te saj personal, e cila perdor pushtetin politik per rindarjen e resurseve kombetare, ndarjen dhe rindarjen e posteve publike, ndarjen dhe rindarjen e tenderave publik. Nje elit politike e cila ne  cdo fushate elektorale shfaqet si e dashuruar me elektoratin e saj. Nje elit politik qe vetem premton dhe premton. Nje elit politike e cila fle ne nje “krevat” me krimin e organizuar.

“…Kundershtaret politik po me quajne njeriun e mafias dhe se une kame bere fushaten elektorale ne territorin dhe me ndihmen e mafias. Miqte e mi po cili eshte kuptimi i vertet i fjales mafia?
Per mua Mafia, por edhe per ju eshte elegance, krenari, kaloresi, nder, superioritet, persosmeri. Nese mafia eshte kjo dhe jo nje shoqeri delinkuente. E pra miqte e mi une do ju them se jame mafioz e do te jem krenar qe te shpije ne parlamentin e Italise se bashkuar dhe te lire frymen e mafias nga ky ishull i lavdishem…..”

Keto jane fjalet mbyllese te deputetit para popullit pas fitores se votimit ne parlamentin e pare Italian te iniciuar nga Mafia pas pavarsise ne 1860, jane fjalet permbyllese te vepres letrare “I Mafiosi”  te shkrimtarit Leonardo Sciascia. Jane britmat uleritese te Sciascias ne vitet ’60 te cilat  vertiten e sot ne Sicili, Itali dhe ne gjithe rajonin. Jane 160 vjete lufte e paperfunduar midis te keqes dhe te mires, midis shtetit dhe antishtetit. Jane 160 vjete betej e pergjakshme e cila vazhdon ende sot e kesaj dite. Shqipetar jeni vigjilent mos e lini te keqen te hedhe rrenje, pastaj do jete shume vone qe ajo te shkulet. Britmat e Sciascia-s kane arritur pertej Adriatikut. A i degjoni? Une dhe shume te tjere po …