Lugina e Preshevës dhe zgjedhjet presidencale të Serbisë

Lugina e Preshevës dhe zgjedhjet  presidencale të Serbisë

Luginën e  Preshevës edhe  zgjedhjet presidenciale të Serbisë, të  2 prill 2017, do e gjejnë  siç i gjetën edhe  më të më hershmet. Jehona e këtyre  zgjedhjeve  nuk i shushuriti aspak Luginasit, kjo për do duhej të ngjante  edhe  në të gjitha  zgjedhjet tjera si ato parlamentare dhe  lokale, në  këtë  shtet  që edhe  sot, administron  këtë  rajon( Luginën) si koloni! Kjo më shumë për faktin që politikanët e Luginës, nuk kishin interese personale, e jo  që nuk ishin në  Interes të  Luginës-Interes  të cilin  shumë  rrallë  mund ta   respektojnë!

Shumica e kandidatëve  për president të Serbisë, ende  si  primare  mbajnë kartën  nacionaliste, e cila drejtohet  më së shumti kundër Interesit Kombtar Shqiptar,   veçmas  kundër Luginës së Preshevës! Por që udhëheqësit  politik të  Shqiptarve të Luginës së Preshevës,  heshtin, siç  një heshtje të tillë  bëjnë  edhe  shumë vende  të  rajonit e më gjerë!

Lugina  e Preshevës, jo vetëm  që  duhet   injoruar, bojkotuar  çdonjërën  nga  zgjedhjet   nën Serbi, por për më shumë aktivisht do duhej  kundërshtuar! Deri më tash  siç e  kemi pa,  që disa  parti  politike  “Shqiptare” në Luginë të Preshevës,  marrin pjesë  në zgjedhjet  parlamentare  të Serbisë,  derisa  në  zgjedhjet  lokale të Serbisë, marrin pjesë të  gjitha partitë  politike!

Asnjëra nga  këto nuk është  në Interes Kombtar  të Shqiptarve të Luginës së Preshevës.

Derisa Republika e Kosovës,  që në vitet   e  90-ta, kishte   funksionalizu  sistemin paralel të institucioneve shtetërore, ne  në  Luginë të Preshevës, aspirojmë  avansimin  e të drejtave  tona Kombtare, përbrenda një shteti okupues!- Absurde!

Duke mos harru, që çdo pranim, në  heshtje  a me veprime i  një pjese a i tërsisë së saj, të një   okupuesi  mbi Atdheun tonë,  e ka  një  emër- Tradhëti!

Deri më sot,  jetuam  pa Serbinë, edhe sot  jetojmë pa të, për më shumë u  shfarosëm deri në  akte  gjenocidi, spastrimi etnik, krime lufte!- përjashto disa qytetarë  që  janë  poltron  pushtetesh!

Serbia këmbëngul  që zgjedhjet  e tilla të  bëhen  edhe  në territorin e një shteti tjetër- të Republikës së Kosovës, duke e  ditur që  numër më të  madh të  serbëve  ka edhe në  disa  shtete tjera!

Derisa  Shqiptarët  e Luginës së Preshevës, është  jonormale të   mendohet  e jo më të kërkojnë  që  të jenë  pjesëmarrës të  zgjedhjeve  të  Shtetit  Amë( Republikës së Shqipërisë), por  madje  edhe  heshtin edhe për të  drejta  të tjera edhe  më  elementare! Lugina, me çdo kusht, çmim pa asnjë  lëshim, duhet  të   kërkojmë  bindshëm  që të  mbahen  Zgjedhjet  e Shtetit Amë edhe  në këtë  territor!

Shumica e kandidatëve  për president të  Serbisë,  ende luajn  kartën  nacionaliste  serbomadhe, kartë  me të  cilën erdhi në pushtet edhe  Millosheviqi dhe  shkaktoi  gjakderdhjen  masive  në  tërë Gadishullin Ilirik-Ballkanik! Të lejuarit  e ardhjes  në pushtet, me  ide e programe  nacionaliste,  jo vetëm që  do jenë  i dëmshëm  për vetë “shtetin” duke fillu  Golgotën e Persekutimit të  Kombeve tjera  nënpushtim, por  më së shumti  do ndikoj dëmshëm  në  rajon- siç edhe  ndodhi në  historinë  e afërt!

Shqiptarët  e Luginës, Hungarezët e Vojvodinës, Bullgarët,  Rumunët, Kroatët, Boshnjakët, muslimanët si etnitete territoret e tyre të pushtuar nga  Serbia, si dhe pakicat kombëtare si: hebrenjët, gjermanët, malazezët, etj sot janë duke  heshtur, kur  janë  dëshmitarë që sërish  dëshiron një  “Millosheviq i ri” të ngritet, e që  s’ka  dyshim që  do   mund të shkaktohet një periudhë e re e njejtë si Luftrat në ish-Jugosllavi!  Një “Millosheviq i ri” pos që   do pësojnë  disa mijëra viktima, sidomos  brenda  Serbisë( kryesisht  të kombeve tjera), rezultati final do jenë në dobi të Lirisë, duke  e kthy  në  Pashallëk të Beogradit, prej nga  do vinte  Paqja e Qëndrueshme  e Ballkanit.

Aspirata ime  është bërja e  Paqes së Qëndrueshme  në Ballkan, andaj Liria e të robëruarve asnjëherë, asku  robëruesi nuk ka  leju që të vijë përmes  rrugës paqësore-dialogut!

Mos të mashtrohet  askush, Paqe në Serbi e më  së shumti  Paqe me robëruesin  nga të  robëruarit nën  Serbi,  as në  ëndërr nuk mund të ketë! Nacionalistët  shovenist serb, e kanë  dëshmu tashmë historikisht!

Unë shpresoj, punoj, angazhohem, luftoj për Paqen  e Qëndrueshme  në Ballkan!

Më:01.04.2017

Skender Jashari  i burgosur politik nga  EULEX, për   rastet  e sulmeve kundër policisë dhe xhandarmërisë  së Serbisë në  Dobrosin komuna e Bujanocit. Ky shkrim është  pjesë e  marrur nga  punimi i bërë  gjatë  qëndrimit në  burgimin politik!

Master drejtimi juridiko-penal dhe studime joformale ushtarake.

O Shteti Shqiptar, pse e dogjët Bibliotekën Kombëtare???

Cilat janë shkaqet e djegies së Bibliotekës Kombëtare?

      Nga Bujar Kule

Për të zbuluar përgjigjen rilexoni; 

“Mbi VELIERËN, Dakot dhe Dakeshat”, të botuar në 17 .02. 2017.

Në çështjen e ndërtimit të shëmtisë prej betoni të quajtur “velier” (emër po aq i përçudnuar dhe qesharak sa edhe projekti prej betoni i sipërpërmendur, emër i përçudnuar dhe qesharak sepse, nuk i përket as fjalorit të gjuhës shqipe dhe as fjalorëve të latinishtes dhe italishtes por është një krijesë e fjalorit të arrogancës së mediokritetit dhe injorancës së paskajë të individëve që qeverisin Bashkinë e Durrësit), problemi i vërtetë nuk është as krye bashkiaku i Durrësit V. Dako, dhe as shëmtia prej betoni që ky kërkon të ndërtojë.

Problemi që duhet të na shqetësojë është vazhdimi i pandalshëm i përmbushjes së projektit, që synon zhdukjen e historisë së popullit shqiptar.

Të gjithë ata që kundërshtojnë projektin e “velierës” prej betoni që do të “qytetërojë” Durrësin 3000 vjeçar, nuk do të munden kurrë të përmbushin misionin e tyre nëse nuk kuptojnë, që krye bashkiaku i Durrësit, nuk gjendet në postin që mban sepse ka fituar votat, por thjesht dhe vetëm sepse, ka marrë përsipër të ndërtojë “velierën”, pra, të rrënojë gjurmët e historisë së kombit Shqiptar.

Velierën?
Jo “velierën” por morinë e “velierave” që ka ndërtuar dhe do të ndërtojë kudo ku ruhet kujtesa materiale e popullit tonë.
Të gjithë ata që kundërshtojnë projektin e “velierës” prej betoni, që do të “qytetëroj” Durrësin 3000 vjeçar, edhe pse misioni i tyre mbart gjithë admirimin dhe përkrahjen time si qytetar dhe intelektual, do të bëjnë një “vër në ujë” nëse nuk kuptojnë se problemi nuk është Dako dhe “veliera” por ata dhjetëra Dako që nga institucionet e shtetit shqiptar nuk pushojnë së dhëni firma, lejuar legalisht dha e ilegalisht, ndërtimin e “velierave” anë e mbanë Shqipërisë. Ata dhjetëra “Dako” dhe “Dakesha” që nga institucionet e shtetit shqiptar, lejojnë përçudnimin e kështjellave, shkatërrimin sistematik dhe të pandalshëm të monumenteve të kulturës dhe plaçkitjen e objekteve arkeologjike.

Ndërkohë që Dakoja shponte dhe thërrmonte duke shndërruar në baltë, historinë mijëravjeçare të Durrësit, pak më tutje në jug, një tjetër Dako “mbyllte sytë” përpara plaçkitjes të Apollonisë, zhbërjen e historisë të një tjetër qyteti mijëravjeçar të Shqipërisë.
Oh, por nuk mbaron këtu!

“Dakot” dhe “Dakeshat” i keni kudo, në krye të muzeve duke shkatërruar atë pak që ka mbetur pa u shkatërruar ose pa u vjedhur.
I keni në krye të bibliotekave duke i lënë librat të myken e të kalben ndërkohë që ndërrojnë makinën e radhës.

Të fshehur pas petkut të injorancës dhe shpesh herë edhe pas petkut të kozmopolitizmit (një formë moderne e internacionalizmit proletar), shpesh herë haptazi dhe madje duke u mburrur në ekranet televizive se historia është e dëmshme në epokën e “globalizmit”, dhe shumë herë fshehurazi, të mbrojtur nga petku i padijes (të partiakut që e ka marrë postin si shpërblim për besnikërisë ndaj partisë), ose e etjes të paskaj për tu pasuruar, ata vazhdojnë të shkatërrojnë historinë e kombit tonë deri kur të vij ajo…

Dita e mynxyrës!

Dita kur do të na pyesin; po ju shqiptar kush jeni dhe nga vini?

Dhe ne … Do të heshtim!

Do të heshtim sepse nuk e dimë!

Sepse çdo grimcë të kujtesës tonë historike është shitur, plaçkitur, shkatërruar nga 

Dakot dhe Dakeshat.

P.S. Këtë post scriptum po e shfrytëzoj për ti shkruar dy fjalë 

edhe krye qeveritarit të këtij vendi…

I nderuari z. Edi Rama, Kryeministër i Shtetit të Shqipërisë, 

patriotizmi nuk tregohet duke iu mburrur kryeministrit të Greqisë me bëmat e shqiptarit që shpëtoi nga shkatërrimi akropolin e Athinës, por, duke mbrojtur, ashtu siç mbron dhe respekton kryeministri dhe shteti grek, akropolet e historisë të vendit që ti qeveris. Mbi gjithçka tjetër, është kjo që do të përcaktojë “nderimin” apo “çnderimin” tuaj përballë gjyqit të historisë!

Ilir Meta, 70 milion paund pasuri në Angli; Shqipëria në prag të fortunave politiko-financiare.

aleksanderhasanas

February 5, 2017

Albania, Lajme, Lajme Korupsion, Shqiperi

Comments

Edit

Sipas gazetarit Artan Hoxha, gazetarë anglezë që kanë rënë në gjurmët e kompanie shqiptare të regjistruar në Londër, është mbulesë e një politikani shumë të fuqishëm shqiptar, i cili ka 51 tituj pronësie, me një vlerë prej 70 milion paund, të cilat janë investuar në zonën A të Londrës, dhe këto prona janë në emrin e një shqiptari nga një rreth i veriut të Shqipërisë. E gjithë kjo pasuri sipas gazetarit Hoxha është vënë nëpërmjet bursës së arit në vitet 2002-2003, dhe anglezëve u rezulton se ky është ar i ardhur nga Shqipëria. Por kush është ky politikan i fuqishëm shqiptar që ka një pasuri të tillë në Londër, prej 70 milion paundësh e barazvlefshme me 100 milion dollarë?

Gazetari nuk u prononcua për emrin e politikanit shqiptar, por të gjitha gjurmët të çojnë tek Ilir Meta. Meta është njeriu i përfolur për vjedhjen e floririt të Krrabës si dhe për të tjera skandale financiare. Kumbari i Kompanisë “DIA” po hetohet gjithashtu edhe nga institucione investigimi amerikane për pastrim parash, së bashku me të birin e ish-kryeministrit Berisha.

Një rrjet gazetarësh në Londër po hetojnë në lidhje me kooperturën politike të 70 milion paundve, dhe pritet që shumë shpejt hetimi të shtrihet edhe në Tiranë.

Kjo është edhe arësyeja që në Shqipëri nuk implementohet Reforma në Drejtësi si edhe vonohet Byroja e Hetimit.

Bashkëshortja e Ilir Metës i ka deklaruar para ca kohësh ca miqve të saj se shumë shpejt do të marr fëmijët dhe do të jetoj në Londër.

Shqipëria është e përfshirë fuqishëm në grupin e vendeve tek të cilat institucione të specializuara investigimi ndërkombëtare po hetojnë për përfshirje të politikanëve në fshehje parashë dhe në afera të mëdha korruptive…

Demokracia kudo në botë është e rrezikuar nga politikanë të lidhur fort me krimin politik dhe financiarë./Pamfleti.com

TRUMP - Vë në Garë - Politikanët shqiptarë - Kush paguan 1000 dollarë është i Ftuar.

Arben Llalla 

Kush do ftesë nga politikanët shqiptar të Tiranës për tek zyrtarizimi i presidentit të SHBA 

Trump më 20 janar, mund të sigurohet lehtë për 1.000 dollarë. 

Le ti lënë përrallat Meta, Dule, Basha, etj., 

Ato ftesa blihen lehtë. 

Mundet për 1.000 dollarë edhe ftesë për tek balloja e mbrëmjes.

Shembull për shqiptarët: Mirela Ndini, Alfred Peza dorëzon plot 1.13 miliardë lekë - Kursime familjare - BRAVO!.

“Credins”, Mirela Ndini Alfred Peza dorëzon plot 1.13 miliardë lekë

 në bankën e transfertave të pista

Përmes një investigimi portali “CityNews” ka zbardhur disa të dhëna mbi pasuritë e deputetit socialist Alfred Peza. Sipas portalit gazetari i kthyer në Rilindas në pak kohë deputet bëhet një aksioner i madh dhe nëpërmjet bashkëshortes të tij blen aksione në Bankën Credins.

Sipas kontratës të siguruar nga bashkëshortja e Alfred Pezës, zonja Mirela Ndini në vitin 2015, në datën 17 mars ka blerë 1% të aksioneve të Bankës Credins me vlerë 1.13 miliardë lekë.

Sipas dokumenteve që ndodhen më poshtë (dok 1 dhe 2) kontrata e shitjes është bërë përpara noterit Julian Zhelegu, dhe zonja Mirela Ndini ka blerë nga shtetasi Aleksandër Pilo, 1% të aksioneve të Bankës Credins në vlerën 113 milionë lekë të reja ose 1.13 miliardë të vjetra.

Blerja e aksioneve më pas ka kaluar procedurat e tjera ligjore dhe zonja Mirela Ndini bashkëshortja e deputetit të Rilindjes Alfred Peza, është bërë aksionere ne Bankës Credin dhe sot pas gati një viti ka 0.79% të aksioneve të kësaj Banke. (Dok 5,6,7,8)

Alferd Peza miliarder nga vijnë lekët?

Deputeti i Rilindjes në një periudhë të shkurtër nga një gazetar kthehet në një njeri që ble aksione me qindra miliona lekë. Në vetëm 18 muaj 4 apo 5-fishon pasuritë e tij. Por nga vijnë këto qindra milionë lekë që e bëjnë Pezën aksioner Banke?

Është verifikikuar deklarimi fillestar i pasurisë të deputetit Alfred Peza. Sipas të dhënave të siguruara nga OpenData Albania (dok 3 dhe 4) rezulton se deputeti Peza ka dy apartamente, në Tiranë dhe Durrës. Ai sipas deklarimit fillestar të pasurisë kur ka marrë detyrën e deputetit rezulton të ketë 95 milionë lekë (të vjetra) kursime dhe disa kredi apo detyrime në vlerën 40 mijë euro. Më tej ai deklaron një tjetër llogari bankare sërisht në emrin e bashkëshortes këtë herë në vlerën 130 milionë lekë të vjetra.

Këto janë të dhënat e publikuara nga OpenData Albania për deputetin Alfred Peza dhe bashkëshorten e tij Mirela Ndini (Peza).
Sipas të dhënave të publikuara por edhe dokumenteve të siguruar rezulton se Alfred Peza dhe bashkëshortja e tij nuk kanë pasur 1.1 miliard lekë (të vjetra) pasuri apo të ardhura monetare. 

Nga vetë deklarimi apo mbledhja e të gjithë të ardhurave apo detyrimeve sipas OpenData Albania rezulton se çifti Peza mund të kenë pasur të rreth 230 milionë lekë të vjetra të deklaruara në vitin 2013 kur gazetari Peza u bë deputeti Peza.

Ky deklarim pasurie bëhet një muaj pasi merr detyrën apo bën betimin si deputet. Pra pasuria e Alfred Pezës është deklaruar në muajin shtator 2013, si deklarim fillestar dhe më pas në janar të 2014. Blerja e aksioneve të Credins Banks që është sa 4 herë pasuria e deklaruar e Pezës dhe ngre shumë pikëpyetje për të ardhurat e siguruara nga si deputet i Rilindjes.

Në një vit e gjashtë muaj Alfred Peza ka katërfishuar pasurinë e tij. Vetë kontrata e blerjes të aksioneve tek noteri flet për 1.13 miliardë lekë të vjetra, ndërsa pasuria e deklaruar vetëm 18 muaj më pas është 4 herë më pak, raporton “CityNews”.

Dokumenta:

http://i1.wp.com/boldnews.al/wp-content/uploads/2017/01/a1-4.jpg?w=720

http://i1.wp.com/boldnews.al/wp-content/uploads/2017/01/a2-1.png?w=571

http://i0.wp.com/boldnews.al/wp-content/uploads/2017/01/a3-3.jpg?w=720

     

//i2.wp.com/boldnews.al/wp-content/uploads/2017/01/a6-3.jpg?w=720

“CityNews”

=====================================================================================================

Tenderi i Vaksinave te Gripit - dhe pasojat e tij!

Pershendetje Nisma.

Kjo eshte vaksina kineze qe eshte shperndare per gripin. Kush mundet te na perktheje pak permbajtjen se mua me ngjan se dekoratat e Mao Ce Dunit.
 

Mjeku me thote se kosto e saj eshte 400 leke(nese ai e shperdoron gjate perdorimit duhet te paguaje kete shume) ndersa vlera me te cilen e blen shteti eshte 1300 leke te reja. 900 leke perfundojne ne xhepin e ndermjetesit.

Kam dyshime se i gjithe ky paniku per virusin eshte ne funksion te tenderit te vaksinave te cilat sic mund ti shikoni jane kineze, me pershkrim kinez e ndoshta vijne akoma me lire se sa them une.

Edhe dicka, shiringat qytetaret duhet ti blejne vete. 

 Nisma #Thurje

--------------------------------------------------------------------------------------------

Boll më me Shqipërinë e hajdutëve dhe të të korruptuarve! Ambasada në Gjenevë "pronë" e Filloreta Kodrës.

Ndoshta për ju emri i Filloreta Kodrës nuk është një emër shumë i dëgjuar me të cilin mund të jetë rrahur veshi, por nëse nuk e dini ende, po ju themi se ajo është në krye të diplomacisë shqiptare në Gjenevë të Zvicrës. Një pozicion mjaft i rëndësishëm si për diplomaten Kodra, por edhe një funksion kyç në ndikim të përmirësimit apo përkeqësimit të imazhit të Shqipërisë i është lënë në dorë kësaj zonje.

Një denoncim mjaft interesant nga një grup shqiptarësh që jetojnë në Gjenevë të Zvicrës dhe që e njohin ambasadoren shqiptare, ka ardhur në redaksinë e Jetaoshqef. Personi që ka shkruar në adresën tonë bën me dije se ka ngelur i habitur pasi ka mësuar se e  bija e zonjës Kodra, bashkë me burrin e sa, i cili deri dje ishte emigrant i thjeshtë në Zvicër dhe të dy jetonin në banesën e “mami diplomates”, sot (pak kohë më parë) janë bërë të pasur dhe sa hap e mbyll sytë kanë arritur të blejnë një apartament luksoz në një prej zonave më të shtrenjta në Gjenevë.

“Besoj se e njihni ambasadoren që emëron edhe burrin financier në ambasadë. Asgjë nuk është rastësi. Në një prej zonave më të shtrenjta të Gjenevës, vajza e ambasadores Filloreta Kodra, Iliria Kodra dhe dhëndri i saj Ilir Roko, emigrant prej vitesh në Gjenevë, kanë blerë apartament me pamje nga liqeni. Çmimet në këtë zonë të Gjenevës janë të paimagjinueshme, marramendëse, një zonë nga më të shtrenjtat.

Dhëndri, një emigrant, kurse vajza e ambasadores ka vetëm disa muaj që ka gjetur një punë në Gjenevë, me ndihmën e mamit. Si munden vallë të blejnë një apartament të tillë çifti i ri?  Me ndihmën e mamit (vjehrrës) duhet të ketë ndodhur kjo mrekulli.

Dhëndri, një emigrant në Gjenevë, vajza deri para pak kohe e papunë, banonin në një dhomë me qira dhe deri para dy vitesh i mbante mami në shtëpinë e ambasadorit në Gjenevë. Tani ndodh që vajza e ambasadores dhe dhëndri i saj të jetojnë në një apartament me vlerë shumë qindra mijë eurosh, ndoshta afër 1 milionë euro. Ku i gjeti vallë ky çift i ri gjithë këto të ardhura? Pse nuk e blenë këtë banesë kur nuk e kishin mamanë apo vjehrrën në Gjenevë?

Vettingu të shtrihet për të gjithë drejtuesit e lartë, pjesë e korrupsionit dhe parave të pista.
Bëjeni publik si fakt sepse kemi 20 vite në Zvicër dhe nuk kemi mundësi të marrim një apartament të tillë. Mjaft më me Shqipërinë e hajdutëve dhe të të korruptuarve!”, – shkruhet në mesazhin dërguar për Jetaoshqef.

Kjo nuk është hera e parë që ambasadorja Filloreta Kodra akuzohet dhe denoncohet për të tilla afera. Në muajin korrik të këtij viti ka qenë Blerina Zoto, këshilltarja jonë në Misionin diplomatik pranë OKB-së në Gjenevë, tashmë e shkarkuar nga ministri Klosi, ajo që ka denoncuar prapaskenat e këtij shkarkimi dhe marrëdhënien e saj me ambasadoren tonë në Gjenevë, Filloreta Kodra./Jetaoshqef/

Pezullimi i ligjit te Vetigut, nga klanet politike, zyrtare te larte, prokurorë dhe gjyqtarë, avokatë, noterë, bota e krimit -shqiptar!

Gjykata Kushtetuese në konflikt interesi me ligjin e Vetingut

Në këtë anësi antiligjore janë krerë të lartë të shtetit, kryetarë partish politike, zyrtarë të lartë në kohë të ndryshme, prokurorë dhe gjyqtarë, avokatë, noterë, bota e krimit, trafikut dhe të gjithë bashkë për të financuar një revoltë popullore deri në rrëzimin e qeverisë dhe rezultati është të mbrojnë pasuritë e paligjshme dhe pushtetin që posedojnë deri më sot.

Pas pezullimit të ligjit të vetingut nga Gjykata Kushtetuese, pritet që ligji të rrugëtojë për në Komisionin e Venecias për interpretim, por me gjasa ai do jetë sërish shënjestra e lobuesve kundër reformës në drejtësi për ta penguar me çdo çmim.

Kundërshtarët e reformës në drejtësi janë vetë anëtarët e Gjykatës Kushtetuese, gjyqtarët edhe prokurorët e korruptuar, madje edhe politikanët dhe zyrtarët e lartë, dhe të ndodhur nën presionin e ligjshmërisë kanë ngritur paligjshmërinë e lobingut të parave të pista për të rrëzuar dhe në mos për të penguar ligjin e Vetingut.

Bëhet fjalë për fondin më të madhe të parave që kanë grumbulluar lobuesit, madje mendohet se shuma e parave për të penguar reformën në drejtësi është sa dhjetëfishi i buxhetit të shtetit në një vit kalendarik dhe kontrollohen nga krerë të lartë të shtetit antarë të KLD-së dhe të politikës, gjyqtarë, prokurorë, avokatë, noterë, pjesë të grupeve kriminale të lidhur me politikë dhe paligjshmërinë.

Në fakt, Gjykata Kushtetuese ka qenë në konflikt interesi me ligjin e Vetingut, se të parët që do prekeshin nga ligji janë anëtarët e kësaj gjykate pasi shumica e tyre kanë qenë hetues, gjyqtarë dhe prokurorë në kohë të diktaturës, dhe paruritë e tyre lënë të dyshojnë sa me ligjin e Vedingut, shumica e tyre do të përballej me dorëheqjen apo me ligjin për korrupsion.

Në sistemin e drejtësisë përveç gjyqtarëve dhe prokurorëve të korruptuar ka edhe nga ata që në kohë të diktaturës kanë shënuar vuajtje për shqiptarët, pasi një numër i madh i tyre që punojnë në drejtësi kanë marrë pjesë në hetimin, turturimin, burgosjen, madje dhe vrasjen e të përndjekurve politikë.

Të ndodhur përballë këtyre kushteve, supozohet se Gjukata Kushtetuese nuk ka vepruar drejt, madje është treguar tinzare duke ia kaluar edhe një herë ligjin Komisionit të Venecias, e cila  është shprehur një herë për draftin përfundimtar të reformës në drejtësi dhe s’ka si të shprehet Venecia veçmas për çdo ligj, apo institucion që do ngrihet në procesin e reformës në drejtësi.

Varianti më i besueshëm është fakti se anëtarët e Gjykatës Kushtetuese janë bërë palë me opozitën dhe lobingun e kundërshtarëve të reformës në drejtësi sepse kanë qenë dy herë në konflik interesi, për krimet që kanë shënuar në diktaturë dhe korrupsionin që kanë bërë për 26 vite.

Plani B i kundërshtarëve të Vetingut

Nëse nuk do ia dalin me pengesa të tilla formale duke penguar ligjin, financuesit nga më të pasurit në Shqipëri dhe më gjerë do të mbështesin variantin e konfliktit politik për të organizuar protesta masive në të gjithë vendin deri në destabilizim të vendit duke e çuar Shqipërinë në anarki totale.

Në këtë anësi antiligjore janë krerë të lartë të shtetit, kryetarë partish politike, zyrtarë të lartë në kohë të ndryshme, prokurorë dhe gjyqtarë, avokatë, noterë, bota e krimit, trafikut dhe të gjithë bashkë për të financuar një revoltë popullore deri në rrëzimin e qeverisë dhe rezultati është të mbrojnë pasuritë e paligjshme dhe pushtetin që posedojnë deri më sot.

Në plan të parë shihet si diçka e pa arritshme, por në fakt ky plan është njëfarë grushti shteti që tashmë i ndodhur përballë presionit të reformës në drejtësi ata po përdorin paratë e fituara në mënyrë të paligjsme dhe pushtetin që posedojnë sot për të destabilizuar vendin.

Alarmi është real dhe ndodhur në këtë situatë i vetmi shpëtim që mund të gjejë vendi, janë BE dhe SHBA, madje duhet me çdo kusht që ata të kontrollojnë situatën, duke gjetur rrugët e duhura ligjore për të bërë të mundur vendosjen e drejtësisë në vend.

Shkruan: Ilir Vata

http://kanunitv.blogspot.al/2016/10/26.

Gramsh, Spitale si në kohë lufte ... suedezia leter kryeministrit.

Qytetarja suedeze i shkruan Ramës: Spitalet si në kohë lufte.

I nderuar Zoti Kryeministër!

Kjo foto nuk është bërë pas një bombardimi diku në spitalet e Sirisë apo Afganistanit, por është fiksuar pak ditë më parë në një nga mjediset e spitalit të qytetit të Gramshit. Kisha kaluar shumë herë përpara ndërtesës së zymtë të spitalit të qytetit tim të lindjes, duke shmangur vështrimin prej andej për të mos ndjerë trishtim për ata të mjerë që janë të detyruar të marrin ndihmë në këtë spital. Por nuk e kisha menduar kurrë që do të detyrohesha vetë të kaloja aty 3 ditë me nënën time, e cila u shtrua pas shqetësimeve serioze të tensionit të lartë. Ajo qe përjetova nuk ishte vetëm “shock”, por një lëndim, zhgënjim e mbi të gjitha zemërim. Zemërim ndaj të gjithë drejtuesve të bashkisë së Gramshit ndër vite; zemërim ndaj politikës e cila e ka braktisur qytetarin.

Si mundet që këta njerëz që kanë dorëzuar projekte në qeveri dhe kanë marrë fonde nga shteti në vite për të bërë parqe nëpër lagje, për të rregulluar fasadat e ndërtesave, sheshin në qendër të qytetit (që kushtoi miliona e nuk i hyn askujt në punë), etj, nuk u kujtuan të rikonstruktonin të paktën vetëm një kat të këtij institucioni jetik që ka të bëjë direkt me jetën dhe shëndetin e njerëzve?! Apo kryetarët e bashkive janë të interesuar që spitali i qytetit të jetë si një spital lufte dhe për rrjedhojë qytetarët detyrohen të kërkojnë shërbim tek privati apo spitalet e qyteteve të tjera?! (Nëse ndonjëherë janë dhënë fonde për spitalin e Gramshit, ku kanë shkuar ato?!. Në këtë rast, abuzuesit duhet të përgjigjen përpara drejtësisë).

Si mundet ai shtet, si munden qeveritë njëra pas tjetrës, të lënë pas dore, apo më mirë të themi të demonstrojnë një neglizhencë totale ndaj një institucioni kaq jetësor?! 

A mos kjo ka të bëjë me atë se Gramshi është një qytet ”xhep” që deri tani nuk i ka interesuar askujt për t’u futur në projektet prioritare qeveritare për investime kaq të rëndësishme sa shëndeti i njeriut?!

 A nuk është e vlefshme jeta e një qytetari nga Gramshi njësoj me atë të një qytetari tjetër nga Gjirokastra, Vlora, Tirana, Shkodra, apo kudo tjetër?! 

Si shpjegohet zoti Kryeministër, që kryetarë partish por edhe kryeministra, vijnë në Gramsh vetëm për të marrë vota vetëm në fushata elektorale dhe nuk kujtohen kurrë më pas për problemet e përditshme të këtij qyteti?!

Unë nuk e di se ku vizitoheni Ju apo familjarët Tuaj zoti Kryeministër, por sinqerisht do të doja t’ju pyesja publikisht: ”A do të mundni Ju ta linit nënën Tuaj, në një dhomë të tillë spitali, qoftë edhe për disa orë. Sigurisht që përgjigja është Jo. Por, kjo nuk do të thotë se për këtë spital dhe njerëzit në këtë zonë dhe zona të tjera periferikë zoti Kryeministër, duhet bërë “një vesh i shurdhër e një sy qorr”.

Zoti Kryeministër! Unë jam shtetase e Suedisë dhe prej 12 vitesh nëpërmjet agjensisë time turistike, sjell vazhdimisht grupe turistësh që vizitojnë pjesën më të madhe të Shqipërisë. Të gjitha grupet kanë patur deri tani fatin e mirë që kanë parë vetëm perlat e Shqipërise, të cilat nuk mungojnë, fatmirësisht. Mijëra suedezë janë shoqëruar prej meje ndër vite, duke shijuar gjithashtu bar-kafe dhe restorante, jo vetëm të bukura, por edhe tepër luksoze. Shumica e tyre, pasi kanë parë edhe makinat e tipit të fundit në qytetet e mëdha, arrijnë në konkluzionin që Shqipëria nuk është aspak e varfër. 

Dhe mua më vjen natyrisht mirë, sepse jam lodhur, duke dëgjuar me vite që vendi ynë klasifikohet si më i varfri i Evropës! 

Të gjithe ne operatorët në fushën e turizmit mundohemi ta ngremë prestigjin dhe imazhin pozitiv të vendit tonë më lart se sa është në të vërtetë. Por, gjithë kohës që jam me turistët zoti Kryeministër jam në tension, e druaj nëse ndonjëri prej atyre që unë sjell atje, do të sëmuret një ditë e mua do të më duhet të shkoj me të në spitalin më të afert. A mendoni zoti Kryeministër, se cfarë tmerri do të pësojë turisti suedez, italian, gjerman apo kushdo qoftë, nëse do të kalojë qoftë edhe disa orë në një dhomë të tillë si kjo në foto, ku u shtrua pak ditë me parë edhe nëna ime?!

 A e merrni dot me mend zoti Kryeministër sesa e zhgënjyer, e turpëruar dhe e pafuqishme do të ndjehem unë?! 

Si do të mundesha unë që ta “justifikoja” një pamje të tillë?! Ju jeni një përdorues I rregullt I rrjeteve sociale dhe besoj se e kuptoni mjaft mire se çfarë efekti negativ do të kishte për vendin tonë, nëse turistët do ti shpërndanin foto të tilla në Facebook apo diku tjetër… Askush nga ne nuk do të donte që pamje të tilla skandaloze si kjo e spitalit të Gramshit të na zbluonin në sytë e të gjithë botës ”Shqipërinë tjetër” zoti Kryeministër, atë që të gjithë e dimë se ekziston jashtë Tirane apo qendrave të mëdha të banuara në të gjithë vendin.

Zoti kryeministër! Ju me siguri në tavolinën tuaj të punës keni qindra projekte, shkresa e kërkesa të ndryshme anë e mbanë vendit. Por unë zoti kryeministër, si një banore e këtij qyteti që ka kaluar aty fëmijërinë dhe rininë, do të doja që përparësi për Ju të jetë edhe kjo foto; ky spital dhe 30 mijë banorët e këtij rrethi, të cilët nuk kanë asnjë mundësi tjetër ku të përplasen për të kërkuar shërbim e kujdes shëndetësor. 

Më mire vonë se sa kurrë! 

Jo thjeshtë për nënën time zoti Kryeministër, por cdo nënë, baba, fëmijë, bijë e bija të kësaj zone. Näna ime është tani me mua në Suedi dhe unë e motra ime këtu do të përpiqemi t’i gjendemi pranë sa më shumë të jetë e mundur. Por dëshira e saj është që të jetojë në qytetin e lindjes, ku ajo ndihet më mirë se kudo. Madje, edhe në duart e mjekëve atje ajo ndjehet e sigurtë.

Por jo në këto dhoma ku në një vend normal nuk futen as bagëtitë zoti Kryeministër. 

Ndaj në emrin tim, në emrin e saj dhe në emër të gjithë banorëve të Gramshit që nuk kanë mundësi që të kurohen në spitale private, ju kërkoj zoti Kryeministër që të ushtroni autoritetin Tuaj dhe konform gjitha procedurave, të bëhet i mundur sa më parë rikonstruksioni i këtij spitali që aktualisht gjendet në kushte çnjerëzore. Jepini një motiv më shumë njerëzve në Shqipëri për të jetuar atje dhe për të mos e braktisur atë vend zoti Kryeministër.

Me shprese se stafi juaj do t’ua prezantojë këtë letër.

Sinqerisht Ana Tabaku, Stockholm 15 Tetor 2016

Myqerem Tafaj: Lindita Nikolla po tallet me studentët, më të mirët të detyruar të largohen

Lindita Nikolla po tallet me studentët, më të mirët të detyruar të largohen jashtë tokës - mëm'

 

Ish-Ministri i Arsimit, Myqerem Tafaj, ka reaguar dje në një postim në rrjetet sociale në lidhje me kërkesën që MAS u ka bërë studentëve për të qenë të pajisur me certifikatë të njohjes së anglishtes ose njërës prej 5 gjuhëve kryesore të Bashkimit Evropian si kusht për të ndjekur studimet Master.

Sipas Tafajt, kjo po i detyron shumë studentë të mirë të largohen jashtë vendit. “MAS tallet me studentët që aplikojnë për studimet Master. Kaosi me pranimet e maturantëve në studimet universitare do të pasohet, siç duket, me një kaos tjetër, atë të pranimeve në ciklin e dytë të studimeve universitare Master. 
Ky kaos do të shkaktojë vitin që vjen një eksod masiv të maturantëve dhe studentëve më të mirë të vendit drejt universiteteve jashtë vendit”, shkruan Tafaj. 

Ai ka publikuar edhe një vendim, sipas të cilit, MAS thotë se aplikimet për në universitete nisin më 7 tetor. 

“A nuk është kjo tallje dhe arrogancë? 

Si mund të sillet një ministër dhe një qeveri me kaq arrogancë me maturantët, studentët dhe familjet e tyre? 
Si mund të lëshohet udhëzimi për pranimin e studentëve në studimet Master vetëm 10 ditë pune përpara datës 20 tetor, datën kur fillon viti akademik! 

Studentët nuk dinë asgjë të saktë sa kuota janë dhe sa janë tarifat. Universitetet nuk janë njoftuar. Bankat sot dhe nesër nuk punojnë për të paguar tarifën e regjistrimit. Praktikisht janë lënë në dispozicion vetëm 2-3 ditë për regjistrimet! 

Kush guxon të tallet kaq keq me studentët? 
Çfarë do të thotë dhe kujt i intereson i gjithë ky terr me pranimet edhe në studimet e nivelit Master? 

Udhëzimi nuk thotë asgjë për kriterin e gjuhës së huaj për kandidatët që aplikojnë për studimet “Master i Shkencave”!! Çfarë fshihet pas kësaj? 

Apo ministrja do të thotë prapë “nuk dimë gjë, e dinë vetë universitetet”!? 

Kaosi me pranimet e maturantëve në studimet universitare do të pasohet, siç duket, me një kaos tjetër, atë të pranimeve në ciklin e dytë të studimeve universitare Master. Sot protestuan me të drejtë maturantët që edhe në fazën e dytë nuk kanë fituar degë në përputhje me rezultatet që kanë arritur. 

Me dy fazat që parashikon udhëzimi i lëshuar mbrëmë grup nga MAS do të penalizohen mijëra maturantë me rezultate të mira dhe shumë të mira”, shkruan Tafaj.

/Agjensia e Lajmeve Sot News/
Postuar: 09/10/2016 - 09:37