I kam dy fjalë me Mehmet Krajën!

   I kam dy fjalë me Mehmet Krajën!

Shkaktarët e të keqes në Kosovë kanë emër dhe mbiemër dhe dihet se kush janë, pra klasa e tanishme politike dhe hyzmeçarët e tyre të shumtë nga të gjitha shtresat shoqërore. Kjo duhet të thuhet me guxim në mënyrë që keqbërësit të apostrofohen në përputhje me fajin e bërë në vend se me "filozofema joshëse stilistike" dedikuar adoleshencës intelektuale dhe atyre që hanë dushk për gogla, pamoralshëm, të barazohen vrasësit me viktimat e tyre! Në këto rrethana që unë i quaj me qenë ose mos me qenë, krijuesit e përgjegjshëm duhet t’i përdorin “armët” e tyre, që të mbrohet një ideal për të cilin është derdhur aq mund, dije dhe gjak madje gjatë më shumë se një shekulli. (nga Jusuf Buzhovi)

Ku ishe më herët  Mehmet Kraja?  

“Arsyeja e kësaj pyetje është se mu ky njeri - prapë me gjithë respektin për vlerën në shoqërinë kosovare që i është pranuar, së paku me tituj dhe statuse- ka qenë tërë kohën para dhe pas 1999, para dhe pas 2008, në disa nga pozitat më të besueshme, më të fuqishme dhe më të dëgjueshme në Kosovë, e bile edhe në Shqipëri. Pra ku ishte Kraja kur të gjitha këto ndodhën?” (Ballsor Hoxha)

Çka ndodhën? E çka ndodhën, një pyetje shumë e vështirë. Ja që na ndodhën shumë të pa pritura pas kësaj lufte e ti na dole vetëm  me “Letër myslimanëve të Facebook-ut “. Letër impozante, por me një qëllim pompoz; minimizimin e të keqes që e kaploi Kosovën. Sikur mos të kisha qenë këto 10 vjetët e fundit, t`isha diku larg duke të lexuar në këtë letër, kisha menduar e thonë: ” Sa të pamëshirshëm këta armiqtë e Kosovës që po na e shpifen, se ekstremi islam është vetëm “shfrenim“ i disa njerëzve që iu ka dhënë rasti të shkruajnë në facebook. 

E, mik i nderuar i  asnjë fjalë nuk të doli nga goja për të gjitha ata valavitje që i patëm (edhe i kemi) duke u ballafaquar me tmerrin botëror. Ata nuk ishin (dhe nuk janë edhe sot) vetëm të facebookut por i kemi në Universitet, në Akademi, në Qeveri në Parlament, në mediat e të gjitha llojeve… në….
Akademik i nderuar, ti duhet të jesh bukur shpesh në publik, mos të them edhe për ditë që me letra më konkrete të shihet “aroma “ akademike  në çështjen kombëtare .

Unë e mora letrën tënde të fundit: “Letër askujt“ që aq shumë bëri bujë në shtypin tonë; të cilën duhet lexuar mirë e mirë se edhe aty i ke futur do miza të kalit që nuk largohen nga burimi  i tyre i jetës. Vetë titulli shumë qesharak: “Letër askujt”, d.m.th. letër pa vlerë

Ti shkrove: “Pse t’i zhgënjej njerëzit edhe më shumë me punën e Akademisë, kur edhe ata që e kritikojnë, nuk premtojnë ditë më të mira, përveçse zëvendësimin e një klani me një klan tjetër. Kosova nuk humb as fiton gjë, nëse Akademinë e sundon klani i gjakovarëve, i preshevarëve, i llapjanëve apo i Rexhep Qoses. Çfarë do të ndryshonte, nëse në vend të LDK-së, Akademia të dominohej nga PDK-ja, nga AAK-ja apo nga “Vetëvendosje”? “ Çka mendove me këtë? Akademia qenka pra grumbull njerëzish të dirigjuar nga klanet. Ti po e thua, sot. Pse nuk e the më herët ?

Të kujtohet ky arsyetim i Akademisë? “Me propozim të Kryesisë së ASHAK-ut (11. 09. 2012), Dr. Oliver Jens Schmitt, profesor për Historinë e Evropës Lindore në Fakultetin e Shkencave Historike të Universitetit të Vjenës, anëtar i rregullt i Akademisë Austriake të Shkencave, Përgjegjës i Albanien-Institut, u kandidua për anëtar të jashtëm të ASHAK-ut. Kryesia i ngarkoi të nënshkruarit e këtij teksti për të hartuar një raport për punën dhe veprimtarinë e profesor Schmitt-it. 

Ishim të vetëdijshëm se kishim marrë një barrë tepër të rëndë për ta bërë vlerësimin për këtë kandidat nga se opusi i tij shkencor është shumë i gjerë dhe cilësia shkencore e studimeve të tij shumë e lartë. Mblodhëm të dhëna biografike e bibliografike, vlerësime të shkencëtarëve e historianëve me renome për këtë studiues të njohur jo vetëm për studimet historike shqiptare, të vështruara në kontekst të gjerë të zhvillimeve historike të Evropës. 

Në vlerësimet e ekspertëve të historisë, veçanërisht të historisë së Evropës JL, gjetëm se vepra e Schmitt-it është shkencore, e hartuar me kompetencë, e argumentuar me të dhëna dhe fakte shkencore dhe e mbështetur në dokumente relevante arkivore.. Kishte shprehur edhe gadishmërinë për përgatitjen e shkencëtarëve të rinj nga Kosova nga fusha e historisë. (http://www.ashak.org/?cid=1,2,365 , 25.12.1912 ) . 
Oliver Schmitti u pranua në ASHAK-un tonë dhe me librat e tij u shërbeu vetëm humbjes se identitetit tonë . Ku ishe ti?

Tjetra me “rëndësi“ që e shkrove dhe e tregon një papjekuri tënde të qëllimshme:” Por ka ardhur koha që njerëzit Kosovës të lihen të qetë, të mos ua përzihen rropullitë me punët e historisë. Për LNÇ-në në Kosovë, sekush le të shkojë të lexojë ditarin e Miladin Popoviqit në Arkivin e Shtetit në Tiranë dhe mos na e çajnë më bythën me heronjtë e paqenë të asaj “epopeje”.  Sa e pa menduar mirë ?

E ke menduar mirë që historia shqiptare fillon me vet shqiptarin? E di që edhe Skenderbeu thirrej në Pirron e Aleksandrin e Madh dhe nuk i jepte të drejtë vetës e të thotë që me te filloi historia shqiptare?

LNÇ -ja në Kosovë i ka vlerat e saja të pa mohuara kurrë, se mos të ishte ajo nuk kishte me pasë më Kosovë e as luftë të UÇK- s, se nuk do të kishte shqiptar. Kujtoje Çamerinë, kujtoje arsyetimin e grekërve për dëbimin e shqiptarëve  nga aty pas Luftës së Dytë  Botërore .

Fahri Xharra,02.02.17

Gjakovë

GJYKATA SPECIALE NË KOSOVË (Padrejtësia mbi çlirimtarët) Shkruan Rudi Berisha

GJYKATA SPECIALE NË KOSOVË

( Padrejtësia mbi çlirimtarët)

E shkruar nga Rudi Berisha

Prishtinë, 01 shkurt - Duke lexuar në vitin (1999 ), Librin e Botuar në Zvicër të quajtur ‘’ Koncepti i Ri, mbi Realitetin e Ri ‘’, nga ky Libër kam mësuar që në atë botë, që do vie një forcë Speciale Ndërkombëtare në Kosovë, do filloj të burgos ushtar, epror e komandant të UÇK-së, më aktakuza të rrejshme dhe duan të vinë kjo forcë në përfundim, që lufta e UÇK-së, nuk kanë qen e nevojshme të ndodh fare në Kosovë, dhe t’i quajnë trimat, luftëtarët ‘’ Kriminel të luftës ‘’ ose kanë bërë ‘’ Krime në luftë ‘’

Që nga viti (1999 ), kam shkruar shkrime për këtë padrejtësi që do të ndodh dhe, do peshojnë fatkeqësisht mbi luftëtarët e Lirisë. Libri i trilluar dhe më aktakuza të fabrikuar nga Serbia i Botuar nga Filipo – francezi, një publicistë pro  serb dhe, fabrikimi i Dik Marti-t, dhe i ca ‘’ shqipfolsave ‘’ është kulmi i sjelljes së ‘’ Gjykatës Speciale në Kosovë ‘’ të supozuara për ‘’ Krime lufte ‘’...

Fatkeqësia më e madhe dhe padrejtësia më e madhe  kohën e fundit që beri bashkësia ndërkombëtare është që i detyroj ca deputet të ligj të ngrisin dorë për të themeluar ( votuar ) ‘ Gjykatën Speciale në Kosovë ‘’ për ‘’ Krime lufte ‘’, kurse nga ana tjetër kriminelet dhe vrastarët e vërtetë jetojnë të lirë, ngrisin mure në Republikën e Kosovës dhe akoma kanë ambicie fashiste dhe kriminale. Si mund të jetë drejtësi kur sot në shekullin e civilizimit, demokracisë kriminelet duartrokitën ndërsa viktima pushkatohet për se vdekuri...

Ku është Akademi e Shkencës e Republikës së Kosovës, që paguhet nga taksat e qytetarëve, pse nuk e ngritin zërin për padrejtësinë që po ndodh në Kosovë, për padrejtësinë që po i burgosin pjesëtarët e UÇK-së, pa argumente dhe më aktakuza të fabrikuara dhe të montuara politikisht  nga Serbia dhe ca mekanizma evropian por sllavo-serb...

Ku janë historianët e Republikës së Kosovës, pse  heshtin për këtë padrejtësi që po ndodh, sa herë duhet të paguajmë çmimin e Lirisë. Edhe sa, edhe më çka duhet të paguajmë këtë Liri të copëtuar, të lënduar, të plagosur, të vrarë dhe të nakatosur, edhe sa duhet të vuajmë që të gëzojmë Lirinë ne shqiptarët në Kosovë...

Të padrejtë janë të gjithë ata individ, politikanë, shkrimtar, poet, publicistë që thonë: ‘’ që Kosova u çliruan nga Fuqitë Ndërkombëtare ‘’, e vërteta është që lufta e lavdishme e UÇK-së, është Liria, pa luftën e vashave dhe djemve të popullit shqiptarë nuk do çlirohej kurrë Kosova.

Por nuk duhet mohuar asnjëherë kontributin e madhe të SHBA-ve dhe të ca shteteve të Evropës të na ndihmuan të bëjmë luftën e përbashkët që toka shqiptarë në Kosovë të Gëzoj Lirinë. Jemi falënderues shumë të gjithë atyre që na ndihmuan të çlirohet Kosova, por në radhë të parë nderoj, çmoj gjakun e derdhur të çlirimtarëve, tani të bërë dëshmor në çdo cep të Kosovës, ku sot pushojnë në kurora lulesh për Liri tonë...

Ndihem shumë keq, historia do e shkruaj për ‘’ Gjykatën Speciale’’, kjo ‘’Gjykatë’’. është e

padrejtë, është një etnike, ku do gjykohen vetëm shqiptarët, që në fillim e tregon padrejtësinë e saj që ka kjo ‘’ Gjykatë ‘’, andaj dikush do jetë i mbuluar më turpi gjatë gjithë jetës, kemi mundur të punojmë ndryshe, dhe kjo ‘’ Gjykatë ‘’ mos të behet fare, jam i bindur që ka pas zgjidhje, por është dashur që politika shqiptare të jetë syçelë që nga viti ( 1999), por kjo i zuri në ‘’ befasi ‘’, dhe lakmi për pushteti i lidhi më ‘’ Gjykatën Speciale të turpit ‘’...

Përshëndetje motra dhe vëllezër shqiptarë !

Rudi Berisha, Kryetar i Klubit Letrar ‘’ Zahir Pajaziti ‘’

Prishtinë, 01 shkurt 2017

_____________________________________________________________________________https://milibutka.blogspot.al

Lugina e Preshevës dhe shkëmbimi i territoreve - Shkruan, Skender Jashari i burgosur politik nga EULEX

Lugina e Preshevës dhe shkëmbimi i territoreve

Në medie filloi  një  debat,  mbi çështjen e  shkëmbimit të territoreve, ku  është  laku edhe   Lugina e Preshevës. Kjo temë në  aspektin e të drejtës së shtetit, nuk është i ri  në Ballkan, madje filloi që në  mes shekullit XIX, në mes Perandorisë  Osmane  dhe  Rusisë. Në të cilën  Perandoria  Osmane  në një numër të madh  marrëveshjesh, aspironte mbajtjen  për vete  të  territoreve të Ballkanit( Rumelisë),  derisa Rusia nxiste  shtetet  sllave  në kryengritje, e që përmes këtyre  shteteve tentonte  të  shkëpuste  sa më shumë territore për  shtetet  Sllave të jugut, përmes të  cilave  do ushtronte  ndikimin e vetë. Derisa Perandoria Austro-Hungareze dhe Italia  nga  ana  tjetër  tentonin  ngritjen  e një  shteti sa më të madh  Shqiptarë,  kuptohet  nën  ndikimin e tyre!

Tërë  kohën thirrej në “ruajtjen  e paqes në  ballkan”, “ ballkani i ballkanasve” etj etj, mirëpo realisht  në prapravi shtetet  e Ballkanit nën diktatin e Rusisë u përgatën për ndryshim me forcë të kufijve! Kufijt u ndryshuan me  “zjarrin e armës” e jo me “ngjyrën e lapsit”, duke  fillu që me  marrjen  e Sanxhakut të Nishit, e kulmuar pastaj me Kongresin e  Berlinit, e deri në  Luftën   e Parë Ballkanike, ku  Sanxhaku i Nishit, Tregut të ri, Kosovës, etj, u okupuan  nga  Serbia, Mali i Zi, Greqia, etj. Veçmas  ishin tokat  Shqiptare që u  coptuan! Duhet kujdes, e njejta  histori është edhe  sot, Serbia vazhdimisht përgatitet për luftë, derisa ne qëndrojmë duarkryq!

Ndërsa Serbia,  shfaqte plane për  ndarje-këmbim  territoresh, edhe gjatë  kohës së  Millosheviqit,  si ndarjen e  Kosovës dhe pjesa e caktuar  t’i bashkohej  Shtetit Amë, ashtu edhe në drejtim të  Bosnjës, Kroacisë, Maqedonisë! Derisa Kroatët  nuk përkrahën   ide të  shkëmbimit të territoreve, ashtu as  boshnjakët, por as  Maqedonia, e më së paku  besoj që  do e  mbështesnin  Shqiptarët një ide të tillë( ne do duhej të  jepnim tokë Shqiptare për të  marrë  tokë Shqiptare, derisa Serbia do jepte tokë Shqiptare për të marrë  tokë  Shqiptare!)! Madje edhe  Serbia e  sotme,  derisa  bëheshin negociatat para Shpalljes së Pavarësisë së Kosovës( në lidhje  me Statusin e Kosovës), godisnin  opsionin e  ndarjes së Kosovës, që njëra pjesë  t’i  bashkohej  Serbisë, e tjetra Shqipërisë!

KOSOVA ASNJË MILIMETËR S’MUND TË  NDAHET SI SHKËMBIM TERRITORESH!- shih neni 2.2( Sovranitetin  e Kosovës), neni 20( bartja e sovranitetit vetëm tek Organizatat  Ndërkombëtare) të Kushtetutës së Republikës së Kosovës,[1] dhe   nenet  123(Pranimi i kapitullimit dhe okupimit), neni 124, paragrafi 2( Tradhtia ndaj vendit) të Kodit Penal të Republikës  së Kosovës![2]

Mirëpo edhe  dialogu  me Serbinë, për  Mitrovicën veriore, Trepçën etj, është në  thelb  lëshim territori a të drejte shfrytëzimi a marrje  detyrimi( borxhi nga  Kosova). Është  e vetmja rrugë  dialogu, por jo vetëm  në këtë  gjerësi temash të trajtuara, sepse është  bisedu vetëm  për Kosovën,  derisa për Luginën  e Preshevës,  e mos të  flasim më për  Tregun e Ri, asnjëherë nuk është  zënë  në gojë! Ne( si  Kosovë), kemi  humbur  rastin e   Intervenimit  Policorë në Veri,  gjë që  është imponu dialogu! Mënyra e intervenimit në  veri në korrik 2011, ishte   i gabuar për  dy  fakte sa i përket: mënyrës së intervenimit dhe  ndërprerjes së intervenimit.  

Derisa dihej  që në veri të Kosovës kishte  grupe, sado që do ishin të mëdha ato  grupe, por me taktikë  lufte  guerile, është  banale të mendosh  fillimisht t’i shtypësh me  veprim  frontal, pra duhej  veprimi  gueril  kundër guerilit ( taktika e forcave të sigurisë së Izraelit më së miri e  faktojnë këtë!). Së dyti, edhe pse me veprim  frontal u  intervenu, në çastin e  rënijes  së një polici të Kosovës( Enver Zymberit), u ndërpre. Parimisht është  dashur të llogariteshin  dëmet  në  njerëz  si shumë  më të mëdha  nga  kjo mënyrë e  veprimit, por asesi  të mos  ndërprehej! Sado që do kishte  komplikime  rajonale e më gjerë, me rëndësi është  vetëm  “vendosja  para një  fakti të kryer!” dmth kapja  në befasi e palës tjetër( kujto dhe krahaso rastet e luftrave  ballkanike prej 1878 sidomos, e deri në Luftrat   ballkanike!, po ashtu kujto reagimet  e Izraelit, pastaj të Rusisë në Gjeorgji, Krime etj)!

Politikanët  tonë, duke  qenë  inferiorë në raport  me  palët tjera si atë  ndërkombtare dhe  atë  serbe,  me theks të  veçantë shihet  inferioriteti në  personalitetin e tyre, sepse i takojnë  shumica një  besimi fetar( musliman), i cili i bën të tillë(kjo është më e theksuar)! Këtë fakt   e kanë  edhe   politikanët   që i takojnë   besimit fetar( katolik), pasi janë  deficitar  në disa aspekte  po të këtij drejtimi!  Këtë  fakt, jo pak raste  më është  dhënë  mundësia t’a identifikoja si  domethënës, por edhe më shumë  është  vetëthënë nga po këto personalitete  në  biseda  private në rrethet  e tyre  familjare-shoqërore etj!

 Sociologët, psikologët  do t’a shpjegonin edhe pak më ndryshe, duke e  identifiku me nocionin “ kompleksi i robit”, por në  fakt  mbetet shumë  e ngjajshme!

Përpara çdo feje- jemi   Shqiptarë dhe duhet të  sjellemi si të tillë, e mos të vuajmë nga  komplekse të tilla.

Kohëve të  fundit, por edhe më përpara kishte edhe  disa  zëra, nga  ana  e Shqiptarve  që  përpjekeshin me propozimet e tyre,  në lidhje  me shkëmbim territoresh, si mënyra për  t’a arritur “Paqen  dhe Stabilitetin në Ballkan”!

Ballkani mund të ketë  Paqe, vetëm me  zgjidhjen  meritore  të  statusit të Shqiptarve. Ballkani mbeti pa paqe, shkaku i Rusisë e cila  nxiti dhe ndihmoi shtetet  sllave të pushtonin tokat  Shqiptare( që  i quanin si toka Osmane!)!

Por edhe sikur të  dakordoheshim dy  Kombet, ne Shqiptarët  dhe Serbët, që  të  ndryshonim  kufij, do ishte  reagimi rajonal dhe ndërkombtarë që do ndalonte, apo së paku  shtetet  e rajonit  do kërkonin edhe ato shkëmbime  territoresh- e që s’do kishte gjasa të arrihej  pajtim  për gjitha, pa përfshi edhe  implikimin gjeostrategjik më të gjerë! Më e lehtë  është  shkëputja e territoreve duke u kriju si entitet politiko-juridik në  vete( ka miliona raste të tilla në histori), derisa shkëmbim territoresh janë shumë  më të pakta, e jo të ndodhura mes  dy kombeve, por mes dy shteteve që kanë  nda një territor të një  kombi të tretë!

Lugina e  Preshevës, duke  qenë nën  okupim të Serbisë( Presheva dhe Bujanovci prej Luftës së Parë Ballkanike, kurse  Medvegja nga  Kongresi i Berlinit), e që për më keq pas Luftës së II Botërore (  Presheva, Bujanovci janë  shkëputur nga Republika e Kosovës) e që  Sovrani( populli) kurrë nuk e  pranoi okupimin, madje  vazhdimisht  dolën  bij e bija që  Luftuan për Liri. Për habi, edhe  nga Lugina e  Preshevës,  lindi një zë, që propozon këtë opsion të  shkëmbimit të territorit mes Luginës së Preshevës, që t’i  bashkohet  Kosovës, derisa  Veriu i Kosovës t’i  bashkohet Serbisë! 
Nëse  hipotetikisht, arrihet një marrëveshje e tillë, kurrë më  nuk mundemi  ligjërisht t’i kërkojmë Shqipëtarët  që janë  duke u  Rilindur  në Tregun  e Ri, madje edhe deri në  Sanxhakun e  Nishit( kjo mos të shihet si  ambicje  nacionaliste, ka  raste  në historinë juridike të  shtetit dhe së drejtës, që kombe  para asimilimit janë rikthy-Rilindë,  duke  formu edhe   struktura politiko-juridike tejet stabile!)

Lugina e Preshevës,  duhet me çdo kusht, me çdo çmim, me çdo mënyrë të arrijë Lirinë nga Serbia! Derisa rrethanat politike rajonale( pra edhe bisedimet Kosovë Serbi, e sidomos në të  ardhmen  në lidhje me demarkacionin mes Republikës së Kosovës dhe Serbisë), duhet të përdoren për të  arritur qëllimin tonë!

Andaj  trajtimi i një  opsioni politik me miopi ( a edhe me interes afatshkurtër), pa i inkorporu të gjitha   efektet dhe interesat  afatgjate Kombtare Shqiptare( si tërsi, e jo  vetëm si Luginë e  Preshevës), nuk është në Interes as të Kombit tonë, e rrjedhimisht as të Luginës së Preshevës, por as s’do jenë i qëndrueshëm  gjatë rrjedhave të Historisë së ardhshme!

Luginës së Preshevës, nuk i zgjedhet  statusi, duke  kërku  reciprocitet me minoritetin serbë të Kosovës së Veriut, as me  referendum të 1-2 marsir 1992, por me  këmbëngulje duke  ndjekur  mjetet demokratike( referendumi, protesta, demostrata,  bojkotim-shkëputje  totale e çdo raporti me  okupatorin, mos bindje publike, deri edhe Luftë për Liri!)

Ish-përfaqësues  politik i UÇPMB-së, tash si Kryetar i Këshillit Kombtarë Shqiptarë për Preshevë, Medvegjë dhe Bujanovc,  si dhe  gjithë partitë dhe lëvizjet  politike të Luginës,  duhet të  bashkohemi! Si të   bashkuar,  me një  fjalë para Serbisë e  para  botës,  t’a kërkojmë dhe arrijmë patjetër vetëm  Lirinë!

Më:31.01.2017

Skender Jashari  i burgosur politik nga  EULEX, për   rastet  e sulmeve kundër policisë dhe xhandarmërisë  së Serbisë në  Dobrosin komuna e Bujanocit. Ky shkrim është  pjesë e  marrur nga  punimi i bërë  gjatë  qëndrimit në  burgimin politik!

Master drejtimi juridiko-penal dhe studime joformale ushtarake.

---

[1] http://www.mkrs-ks.org/repository/docs/Kushtetuta.e.Republikes.se.Kosoves.pdf

[2] https://gzk.rks-gov.net/ActDetail.aspx?ActID=9477

PERGJIGJE NDAJ ATYRE QE DINE VETEM TE BALTOSIN - FIGURA - KOMBETARE.

PERGJIGJE NDAJ ATYRE QE VETEM DINE TE BALTOSIN

Une jam ish i prendjekur politik,

e kam vuajtur ne lekuren time cdo te thote te jesh i perndjekur, te vihesh perpara nxenesve te shkolles dhe te fyeje drejtori i shkolles vetem per faktin se kam nje vella te arratisur dhe nje ne burg, une e di se cfar do te thote te jesh i persekutuar!

Une nuk flas per veprat e Kadarese se ato i kane vleresuar njerez te botes se artit dhe kultures me pare se une dhe ju, por une flas me aq kopetenca qe me jep pervoja e jetes time ne periudhen komuniste: Dhe ketu shtrohet pyetja si mundet qe vetem per faktin qe ishte komunist ne kohen e dikatures se kuqe me te eger ne europen lindore qe te "vini ne pranga" eliten e e kesaj klase e cila perfaqesohej nga shkrimtar te tille sic ishte Ismail Kadare.

Nese ka nje njeri qe eshte me i vlefshmi dhe me i madh aktual ne jeten politike, publicistike dhe shoqerore te sotme padyshim eshte Kadare kryesori, ai nuk mund te behet kurban i mllefeve dhe i s'mirave te ndokujt i cili nuk arriti dot as ne ate kohe por dhe as ne kete kohe te jene te denje as per vete dhe as per shoqerine. 

Persa i perket asaj se sa kishte pergjegjsi Ismail Kadare ne ate kohe, atehere kemi dhe une dhe ju si pjestar te shoqerise se asaj kohe pse nuk e paskemi rrezu pushtetin e atehershem apo pse nuk jemi ngritur hapur kunder tij, Ju e dini shume mire se ku perfunduan ish bashkepunetoret e diktatorit, sic ishin Mehmet Shehu apo dhe Kadri Hazbiu.

Si mundeni te kerkoni me shume se sa fjalen e penes te cilen Kadare dhe ne kushte te rrezikshme per jeten ai e vuri kunder Diktatures, Duhet me qene Idiot qe te kerkosh me shume nga nje Shkrimtar se sa ka bere Kadare

Ai ishte dhe eshte ndergjegja e plagosur e nje populli te vuajtur, ai mbajti dhe mban mbi supe cdo sulm te cdo injorani qe ngrihet dhe kujton se do ti bej sherbim popullit te tij duke fyer figura te tilla, ai popull i cili i fyen keto figura, te tilla qe ne ne fakt duhet te krenohemi me to, tregon injarancen e tij dhe qorrsokakun te cilin ai eshte zhytur, mjafton te shikosh ambjentin politik dhe shoqeror ne shqiperi dhe te kesh te qarte se per cfar behet fjale.

Kurre nuk do te kemi patur figura kaq universale dhe kaq te dobishme per kombin si Ismail Kadare.  Ai qe me qellim apo pa qellim, me apo pa dijen e tij sulmon Figura te tilla nuk ben gje tjeter vecse sulmon ndergjegjen e paster te nje populli te lashte sic eshte populli shqiptar. Ne nuk kemi aq shume figura te tilla qe duhet te shuajne oreskin e cdo publisti injorant, por duhet jemi te kujdesshem se cdo baltosje e tyre tregon fytyren tone prej nje shoqerie orientale, dhe jo oksidentale perendimore.

Bota e cilivizuar e ka thene fjalen e saj dhe vleresimin e saj per Kadaren, ne vetem fyejme veten dhe kombin tone me sjelle te tilla! Keshtu qe me qendrimin e tij gjithmon e ne favor te mbrojtjes se vlerave kombetare dhe shoqerore te shqiptareve, Kadare ka qene dhe eshte figura me e paster dhe me e vleresuar ne boten perendimore te ciliviruar, ate nuk mund ta zbehin apo ta shuajne askush kushdo qofte ai, ne tregojne fytyren tone te vertet per vleresimin e tij, te pozitiv apo negativ!

Cdo baltosje e tije eshte ne demin e kombit dhe vetes tone! Une flas per njerez qe cilet kane nje fije karakeri e jo per ata qe nuk kane apo e kane humbur fare! E kam quajtur dhe quaj te demshme deri te felliqur dhe tinzare baltosja e figurave te tilla si Kadare, Nene Tereza, apo dhe Gjergj Kastriti / Skenderbeu!!!

Kjo gje nuk na nderon dhe eshte e pafalshme, eshte jo etike, eshte e jo moralshme dhe eshte e denueshme!!!

Hysni Bajri

29.01.2016 · 

Shansi ideal i humbur – shqiptarët e Maqedonisë

Shqiptarët zakonisht jemi si puna e Sizifit , edhe historikisht i kemi legjendat “ ndërtojmë ditën dhe prishet natën” .Mungesa e një qëndreje të vërtetë intelektuale shqiptare , në stilin e hebrenjve na bënë që të jemi të humbur si në histori ashtu edhe në ardhmëri . Nuk na mungojnë kokat e mençura , porse na mungojnë  shumë gjëra të cilat  e pamundësojnë krijimin e një qëndreje shumë shumëkokëshe , të një qëllimi dhe të shpëtimit kombëtar.

Rasti i rrallë historik apo më mirë të them unik në historinë shqiptare ishte ay i shqiptarëve ortodoks të Maqedonisë dhe nisma e zotit Manojllovski . E keni menduar ndo një herë se janë ende shqiptarët qe flasin maqedonisht dhe të fesë ortodokse e që e duan më në fund kthimin në rrënjët e tyre?
Cili nga shqiptarët,  sa do atdhetar të  ishte  kishte guxuar që të qet në dritë një të vërtetë të mohuar ?
Cili nga ne që nga koha e Josif Bagerit e ka ditur që zjarri shqiptar ndizet ende tek 200 mijë frymë shqiptare në tokat tona të okupuara të Maqedonisë? Këte e dinte vetëm Naimi , e ai fatkeqësisht jetonte në një kohë aspak të përshtatshme për ta aktualizuar këtë dhuratë të “fshehur “.
Nëse Naimi në Stamboll dhe Josifi nga Bulgaria tregonin se ja ku janë shqiptarët ortodoks  ,të tjerët i shikonin punët e tyre . Po sot ? Të gjitha rrethanat e favorshme për ndezjen e zjarrit ,jo tinëz por publikisht , zjarrit shqiptar në Maqedoni ishin në duart tona; por ne nuk ishim ata që një gjë të tillë e donim . Ta kemi në mendje se Maqedonia ishte bërë edhe  shqiptare , dhe se populli shqiptar kishte për të qenë shtet-formues me përkrahjen gjithë- europiane sikur t`ishin edhe shqiptarët ortodoks në skenën politike shqiptare .

Ne nuk deshëm . Po ,po ne nuk deshëm . Ne, të besimit musliman nuk deshëm që shqipja të ishte gjuhë zyrtare në Maqedoni . ngjarjet shkuan jo si e deshën ata që i than` Manojllovskit: “Shko aty , se populli yt po të pret ; jemi pas teje “ !  Ne të nderuar shqiptar, ne nuk e deshëm dhe e refuzuam shansin unik në historinë tonë të 2 000 vjetëve të fundit .
 I kam edhe do fjalë:  Kisha Ortodokse  Autoqefale e Shqipërisë në këtë shans historik ishte e shurdhër dhe memece ; nuk e çeli gojën asnjë herë për këtë çështje me rëndësi . Ku qëndron “mëvetësia  “ shqiptare e kësaj kisheje?  Autoqefalia e saj është vetëm një e thënë sa për sy e faqe dhe për mashtrim.
E di që të gjithë po jemi të varur nga Stambolli ; shqiptarët ortodoks ne Ortodoksia e Stambollit , shqiptarët muslimanë po ashtu nga Stambolli por nga Bashkësia turke islame.

Nëse në Athinë Kisha serbe e mbanë liturgjinë në gjuhën e saj , lindë pyetje se si po kuptuaka serbishten zoti  i ortodoksisë e shqipen  jo ? ose pse zoti i i muslimanisë nuk e kupton shqipen?

Pra , kësaj radhe  ne si shqiptar musliman dhe shqiptar ortodoks e humbëm një shans ideal të cilin na e mundësoi dikush . Kush ?  

Fahri Xharra,25.01.17
Gjakovë

Historia shqiptare po deformohet më së shumti pikërisht nga e quajtura "Elitë" - Shkruan Feri Arifi.

Sot me erdhi ideja e Publikimit të një koncepti përmes disa njësive tematike të sjelli një pasqyrë të gjerë të lokacioneve arkeologjike dhe vendeve të identifikuara në shumë foto interesante. Sot Shumë shqiptarë, Mësues, Profesor, Doktor, historie shkruajnë e thonë ato çka i thonë të hujet e armiqtë: Olsi Jazexhi, në intervisten për gazetën Tema, ku thotë se shqiptarët, deri para vitit 1912, kanë qenë turq. - 

Pse po ndodh kështu?

Po pse keta profesorë nuk mblidhen në një tryezë të shofin se shqiptarët Ortodoks më 1912 nuk ishin serb por siç thonë e shkruhet nëper akademitë serbe. Shqiptaret Ortodoks dhe mysliman në Kosovë, Maqedoni kanë çenë vllezer të një gjaku ku deshmitë në Anamoravë janë të shumta e të pa kontestushme nga shqiptaret 500 shtëpi shqiptare, e 300 ortodokse vëllezer te një gjaku jo më larg se 5 breza, por jo vetem ky fshat ka dhe dhjetra fshatra të këtyre llojeve që u kthyen gjysma ortodoks e gjysma në mysliman e që i pranojnë vllazërin në 5 breza në mes vetë. 

Madje, në Anamorav është e vertetë historike se ka fshatra të lashta qe s'dihet historia e lashtsia si në banorë dhe artifakte janë Korbliqi, Mjaku, Debelldehu, Bresti si qender e të gjitha ketyre vendeve Buzaviku, Shoshara, Mogilla, Pozhorani, Zhitija, Ballanca, Sodovina e Jerlive, Smira ku eshtë e deshmuar, Letnica, Verrnakolla, Remniku, Terpeza Binça, e plot tjer fshatra. 

Por, si eshtë e mundur që prof, e Dr. të flasin si papagalla të pagur nga shërbimet e huaja e guxojnë e sidomos profesorët e shkrus të librave u thonë këta e kanë mirë ja fjalët sepse këta kanë lexuar kur ai Dr. thotë:
"KUR TURKU HYRI NË KOSOVË KOSOVEN E GJETEN TË ZBRAZET PA NJERZ" e kur njeriu fillon të flas më këta Dr. e prefesorë thonë hesht se ky i dinë gjerat jo jo në kët tokë kishtë në çdo fshat e vend shtëpi e banor ortodokse shqiptare e verteta ishte kjo edhe Hoxhët e thjeshtë që nuk kishin ndikim nga shteti e thanë këtë se me ortodokset ishim ashtu afër sa cipa e qepës larg në mes vete. E ku thonë serbet se Perandoria Osmane ishte ajo që krijoi kombin shqiptar, i themi Serbis ku e ke lashtsinë serbe në Kosovë më 1912 i grabite manastiret shqiptare. 

Serbia me kësisoj pretendimesh vazhdimisht ka shfaqur së bashku me Akademin e saj në bashkpunim me turqit e morën atë çka ishte krishtere e shqiptarët të pa fuqishëm i humbën nga dora e tyre. Po serbeve pse ne nuk i kundervihemi me argumente të artifakteve e tu themi ku i keni varret e juaja në Kosovë para viteve 1921 a është ky argument. Prandaj nē Kosovën tonë e Anamoravë në masën e popullatës ka artifkte që asnjë popull nuk i ka , 

Pse kjo qeveri nuk ndan një fond për ti mbledh artifaktet dhe ta hap një galeri për këto artefaktet, po aq dhe objektet dhe lokacionet arkeologjike, të prezantuara përmes fotografive të shumta, Kala mbi 100 e tuma 100 e tumolla ti trgoj botes se kjo tokë këta manastire janë shqiptare. nga Deqani Peja e Graqanica sepse janë tonat. Këto foto janë nga e kaluara e shekujve e që me mijra të tjera u shkatrruan nga dora e huaj sidomos asaj serbe e turkofile nëpër periudha të ndryshme kohore. 

Ky publikim është një dëshmi e shkëlqyer se historia vertet e cila shpesh është tjetërsuar dhe e ka humbur origjinën e vertetë, nga lashtësia dhe nga të huajt sot duhet ti kthehemi në forma të ndryshme,

që paraqesin gurëvarret e stolisura me simbole të ndryshme, që nga Dielli në Hëna, e nga Hëna në Yll e deri tek Zvastikat, që sjellin lidhjen e njeriut të lashtë me qiellin dhe universin e kësaj toke të Pellazgeve ku nuk dallojn me universin në përgjithësi, të cilat janë të gëdhendura edhe në shtëpitë tona por dhe nëpër gurëvarre të kësaj toke dhe popullatë që ishte ajo popullata Pellazgjikia e vjetër.

Publikimi i rezultateve të hulumtimit është një shembull konkret se si duhet të hulumtohet se si duhet që familjet Ortodokse para 120 vitete ndrruan komb dhe humben identitetin kombtar jo me larg mos shkoni sepse këtu është çelsi i kësaj toke shqiptare Serbia eshtë genjeshtare serbeve të Kosovës u thonte në Serbi ju jeni shqiptar e tu tregojmë të vërtetën e hidhur shqiptare me vëllezrit e vet.

Feri Arifi 

https://milibutka.blogspot.al

=======================================================================

Kujt iu desh seriali “Skanderbeg”?

Jam shumë i shqetësuar që si sot me 17 janar, në ditën e 549 vjetorit të vdekjes së Skënderbeut të shkruaj për “guximin“ shqiptar, të përqeshjes me vet vetën!

Kujt iu desh seriali  “Skanderbeg” ?

“I cilësuar si një prej serialeve më serioze dhe unikë të prodhuar ndonjëherë në Ballkan, e kjo sipas kompanisë së distribucionit “Mercury Films”, e cila tashmë ka marrë përsipër edhe distribucionin ndërkombëtar. 

Seriali “Skandërbeg” nuk është risi vetëm në tregun e Ballkanit, por edhe në atë ndërkombëtar – pasi pothuajse nuk ekziston ndonjë serial televiziv i cili trajton këtë periudhë të Mesjetës “ kështu shkruan  me krenari  prodhuesi i këtij maskara filmi.

Pra ”Seriali do të jetë një komedi e bazuar mbi karakteret dhe situatat, një komedi me të qeshura artificiale, sipas standardit të trendëve bashkëkohore të prodhimit të serialeve. Duke i ditur të gjitha këto, bashkëpunimin e tyre dhe ekipin realizues, s’ka si të mos ketë ky serial një tematikë të veçantë.” Ngjarja zhvillohet në mesjetën e hershme, në shekullin 15, një periudhë e trajtuar pak ose thuajse aspak në seriale televizive.

Sa jemi të sinqertë me historinë tonë ?

Edhe sikur turqit ta kishin realizuar një "hagare" të tillë e të pa fije krype, as serbët që pretendojnë që Skenderbeu "është" i tyre ( kjo edhe sipas Fatos Lubonjës, Oliver Schmittit dhe shqiptarëve të tjerë që iu është mërzitur e kaluara) nuk do ta shfaqnin në ekranet e tyre televizive. Së paku, serbët i qëndrojnë besnik fjalës së tyre të shkruar (edhe nëse është rrenë); e turqit nuk harxhojnë para për të qeshur me historinë e tyre. 

Kujt i shkoi ndërmend të befasoi botën me një serial të tillë ? 

Po nuk është oree figura e Skënderbeut për nivelin e portokallive!

Ta kishin serbët një Skenderbe, bota do të ishte mahnitur me realizimet e tyre  filmike serioze !

E pamundur të kuptohet mendësia shqiptare, paraja e tepërt dhe vrazhdësia e paraqitjes historike në mënyrë të tillë. 

Ndoshta jemi shumë të varfër nga mendja dhe në mungesë të vetëdijes krijojmë diçka që e përdhosë të tërë mundin historik .  Ndoshta...

Të mendojmë, cili nga popujt e Europës kishte harxhuar para të majme të fusin një hero të tyre kombëtar në rrjetin e humorit më banal që ekziston në mediumet vizive

Të mendojmë si duhet:  …”menjëherë pas masakrës, gjenocidit që bënë serbët mbi popullin martir shqiptar të Kosovës, Ismail Kadare bën thirrje shqiptarëve shkrimtarë, intelektualëve të dy shteteve, shqiptar e kosovar, të bëjnë të gjitha përpjekjet të dëshmojnë mbi krimin serb ndaj shqiptarëve. 

Reagimi i intelektualëve shqiptarë erdhi me qeshje, si për të thënë, këtë herë s’na the gjë o Zoti Kadare.

-Dëshmimi i krimit serb mbi shqiptarët është detyrë shpie e vogël për ne të mëdhenjtë, do thoshin ata, prandaj nuk është kjo detyra jonë të merremi me këto punë të vogla, me fjalë të tjera nuk ndienin më për atë gjëmë.”

(Në një intervistë për shekullin, tetor 2000 Kadare është shprehur … Në kujtimet e amerikanit Xhejs Rubin, botuar në “ Financial Times“, përmendet episodi kur presidenti i Serbisë, Milutinoviç që kryesonte delegacionin serb në Rambuje, duke mos kuptuar asgjë nga ajo që po ndodhte, u thotë amerikanëve:  Përse shqetësoheni për shqiptarët? "Na e lini ne këtë punë  dhe ne e mbarojmë për një javë“.

Me të vërtetë të lehtë jemi!                                                                               

Fahri Xharra. 17.01.17 Gjakovë

Në Shqipërinë e Jugut nuk ka grekë, përveçse "grekofonë…" - “Gazeta Korça” 14 shkurt 1926.

“Çamëve u njihen gjithë të drejtat si minoritet shqiptar në Greqi… Në Shqipërinë e Jugut nuk ka grekë, përveçse grekofonë… Ortodoksët shqiptarë, nga raca, gjuha, kombësia, janë shqiptarë, zot shtëpie Jam kundër asaj theorie të gabuar të disave këtu, që çdo ortodoks shqiptar e quajnë grek… Do të shpërndajmë të gjitha klubet vorio-epirote dhe organizata të tjera të tilla… Do të përpiqemi të forcojmë marrëdhëniet ekonomike, komunikatat detare, tokësore, doganore që të lehtësojmë tregtinë.. Duhet të japim prova të gjalla kundrejt motrës  së vogël, Shqipërisë, që ushqejmë ndjenjat më të sinqerta, ndjenja dashurie…”

Pohimet e mësipërme duken si një ëndërr paqeje, por në fakt kanë qenë qëndrime zyrtare të Athinës në vitin 1926. Janë shkëputur nga një intervistë e rrallë me presidentin grek Pangallos dhënë gazetarit Vangjel Nasho Qirko për “Gazetën e Korçës” të datës 14 shkurt 1926.

Intervista e risjelle nga Vepror Hasani është ribotuar në suplementin memo-encikopedik të gazetës Dita.

Teodoros Pangallos, personalitet politik dhe ushtarak i shtetit grek lindi në Salaminë (Greqi), në një familje arvanitase. Ka qenë komandant i Shtabit të Përgjithshëm të Ushtrisë greke, Ministër i Mbrojtjes (1922) dhe President i Greqisë (1926-1930). Ka pohuar në raste të ndryshme origjinën e tij shqiptare dhe ka vlerësuar meritat e arvanitasve në historinë e Greqisë.

Po të lexosh informatat e ministrit fuqiplotë të Shqipërisë në Athinë, Mid’hat Frashëri, veçanërisht ato të gjysmës së dytë të vitit 1925, ndien se Pangallos ishte ndryshe kur vinte fjala për Shqipërinë. Më 17 tetor 1925, Mit’hat Frashëri, mes të tjerash, informon Tiranën:

M.Frashëri

“U përgjigj (Pangallo – shënimi im) se dëshiron edhe ai fort shumë që të jemi miq dhe prandaj ka dhënë urdhër në Ministrinë e Punëve të Jashtme të kërkohet nga Shqipëria agrement për Gjeneral Kondilin, si Ministër: Shtoj se Kondilin e ka mik personal dhe se është shovinist shqiptar”.

Më datë 5 nëntor 1925, Mid’hat Frashëri i shkruan Tiranës se: “Këtu kam folur tri herë me z. Pangallos për çamët: më ka dhënë fjalë të jap urdhrë në Janinë, se edhe vetë e njohu që faji u bë në fillim duke pandehurë turq çamët. Më premtoj që sjelljet e autoriteteve helenike do të ndreqenë”.

Në fakt ky qëndrim zyrtar grek para gati 90 vjetësh për Shqipërinë, çamët dhe vorio-epirotët nga Presidenti grek Pangallos, është nga të paktat qëndrime realiste në historinë e raporteve mes dy popujve.

Fatkeqësisht nuk zgjati shumë.

Pas këtij momenti të marrëdhënieve të ngrohta dhe miqësore ndërmjet dy shteteve fqinje, për Çamërinë do të vinin ditë tmerri dhe do të zbatoheshin metodat nga më barbaret për zhbërjen e saj, që arritën në epilogun tragjik të viteve 1944-1945.

Më poshtë artikulli i 1926-s ribotuar nga Dita:

*************

Nga Vangjel Nasho Qirko

Botuar në “Gazetën e Korçës” të datës 14 shkurt 1926

Pas artikujve të favorshëm që karakterizuan drejtimin e shtypit grek këto kohët e fundit mbi çështjet shqiptare, e quajta për detyrë të dëgjoj prej gojës së atij vetë (Pangallos), i cili sundon sot dhe drejton  fatin e Greqisë, mendimet e tij mbi relacionet greko-shqiptare.

Ju drejtova me anën e zyrës politike, duke kërkuar intervistë të veçantë për shtypin shqiptar dhe të nesërmen. Z. Kryetar më pranoi në zyrën e tij.

Me simblicitetin dhe hollësinë që e quajnë “gjenerali i lavdëruar”, z.Pangallos më priti dhe më shfaqi kënaqësinë që i jepej rasti të komunikojë me popullin shqiptar, me anën e shtypit shqiptar.

“Greqia, filloi Zoti Pangalos, që të nesërmen e mbylljes së paqes së përgjithshme shkoi një periudhë tepër kritike nga shkaku i katastrofës së Anadollit dhe vuajti më tepër se nga gjithë shtetet e tjera që morën pjesë në luftën e madhe. Prandaj, na imponohej të shtojmë sa më tepër përpjekjet dhe fuqitë tona për shërimin e plagëve. Mund të them që për fat të mirë pjesën e madhe të punës e mbaruam…

Gjendja jonë ekonomike gjithashtu po përmirësohet. Paralelisht me riorganizimin tonë të brendshëm edhe pozita jonë e jashtme forcohet. Greqia arriti kufijtë e saj natyrale dhe prandaj nuk ka më qëllim që të shtrihet më tej; kjo është arsyeja që inspirohet nga dispozicione paqësore kundrejt gjithë fqinjëve të saj…

Sa për Shqipërinë, me të cilën veçanërisht na bashkojnë lidhje origjine, gjaku, luftërash të përbashkëta, marrëdhëniet tona gjenden në pozitë shumë të kënaqshme dhe përditë po zhvillohen më mirë. Mosmarrëveshjet e kohës së kaluar që mund të karakterizohen si grindje midis vëllezërve u ngrinë dhe u harruan.

Kujdesi im ka qenë që kur mora fuqinë në dorë, që t’i bëj sa më tepër të ngushta lidhjet që na bashkojnë dhe për këtë qëllim nuk kurseva asgjë. Është e vërtetë, nga ana tjetër dhe kudo ngjan, që midis shteteve kufitare të mos sadisfaksohen plotësisht pretendimet e të dy palëve. Kështu që një pjesë e popullit të shtetit tjetër të mbetet brenda kufijve të tjetrit, dhe viceversa, duke u karakterizuar si minoritet.

Por kjo nuk duhet të formojë ndalim dhe nuk duhet të bëhet shkak për grindje midis dy popujve vëllezër, por përkundrazi të bëhet ura e bashkimit midis tyre.

Kemi në Epir disa mijë çamë, të cilët i njohim tani si minoritet shqiptar në vendin tonë. Në qoftë se në kohën e shkuar u bënë disa të papëlqyera mbi kurriz të tyre nga ana e organeve inferiore të shtetit, kjo nuk formon direktivë politike të Qeverisë greke karshi atyre. Përkundrazi, qeveria inspirohet nga dispozita më të mira karshi atyre dhe ka vendosur të ndëshkojë pa mëshirë çdo veprim të keq mbi kurriz të minoritetit nga ana e disa kokëndezurve të papërgjegjshëm dhe do të zbatojë plotësisht të gjitha obligatat që ka marrë përsipër në favor të minoritetit në Maqedoni dhe Epir, obligime që rrjedhin prej traktateve ndërkombëtare

Është e ditur nga ana tjetër, që ne nuk do të mbajmë me pahir ata çamë që duke e quajtur veten turq do të kërkojnë të emigrojnë në Turqi meqë pas traktatave kanë të drejtë të emigrojnë atje…

Gjithashtu në Shqipëri ndodhet një pakicë greke, e cila duhet të gëzojë të mirat e njësisë dhe për pengimet për zhvillimin e saj ethnik e shoqëror duhet të zhduken. Jemi të bindur që Qeveria shqiptare nuk do të kursejë asgjë për sigurimin e të drejtave të kësaj pakice. Kur them pakicë greke ne Shqipëri, kujtoj dhe kam ndërmend vetëm grekofonët e Shqipërisë së Jugut dhe aspak ortodoksët shqiptarë, të cilët nga raca, gjuha, kombësia, janë zot shtëpie. Jam kundër asaj theorie të gabuar të disave këtu, që çdo ortodoks e quajnë grek.

Pangallos

Meqenëse kjo teori e gabuar  kishte marrë një udhë të tatëpjetë dhe zhvillohej në mënyrë të dëmshme vendosa dhe urdhërova shpërndarjen e klubeve vorio-epirote, të cilët ishin bërë baza e këtij mentaliteti. Këto klube nuk kishin më arsye ekzistimi. Do të aplikoj masën e shpërndarjes edhe për organizata të tjera të tilla, po të gjykohen si pengim në zbatimin e politikës së përjashtme të caktuar prej qeverisë.

Duhet të japim prova të gjalla kundrejt motrës  së vogël, Shqipërisë, që ushqejmë ndjenjat më të sinqerta, ndjenja dashurie dhe miqësie dhe po bëjmë një politikë të hapur dhe jo të mbuluar. Shpresojmë se qëndrimi ynë do të çmohet prej gjithë shqiptarëve.

Do të përpiqemi të forcojmë marrëdhëniet tona ekonomike, komunikatat detare, tokësore, do të vëmë në zbatim masat doganore, të tilla që të lehtësojmë tregtinë, në mënyrë që prodhimet e të dy vendeve të konsumohen reciprokisht dhe afrimi ynë të bëhet sa më i ngushët. Kështu të bashkuar, dy popuj vëllezër në dashuri dhe solidaritet, do të ecim në të pritmen për në misionin e tyre…

Përveç intervistës që mora me kryetarin e qeverisë, e quajta të arsyeshme t’i kërkoja një pjekje dhe ministrit të Punëve të Jashtme, zotit Lukas Kanakaris Rufos, i cili sot në mëngjes më pranoi…

Eksprimoj çiltazi gëzimin tim të madh që forcimi i lidhjeve greko-shqiptare të bëhet në kohën e ministrisë sime. Dispozitat e sinqerta dhe mendimet e kthjellëta, si të Kryetarit të Republikës ashtu edhe Kryetarit të Qeverisë, të cilët  që të dy janë me origjinë shqiptare janë në udhën e zbatimit praktik. Caktimi i një politike të kthjellët dhe definitive kundrejt shtetit shqiptar, qenia dhe përparimi i të cilit është në interesin e madh të Greqisë, filloi të shfaqet në të gjitha pikat.

Çështjes së Çamërisë iu dha fund definitiv, amnisti për të gjithë çamët e dënuar ose të pandehur dhe të kthyerit e të internuarve në shtëpitë e tyre. Gjuha shqip do të vihet në disa shkolla të Greqisë, klubet vorio-epirote në tërë Greqinë u shpërndanë dhe arkivat e tyre iu dorëzuan prefektëve. Të gjitha këto, jam i sigurt se do të inspirojnë besim absolut në Shqipëri për sinqeritetin e politikës greke.

Kemi nevojë të madhe të inspirohet ky besim sepse në kohën e shkuar, për fat të keq, nuk u mbajt nga ana e Greqisë një drejtim politik i qëndruar dhe i kthjellët kundrejt Shqipërisë. Pas ndryshimit definitiv që i japim tani politikës greke, jam krejt i sigurtë për të gjitha çështjet e varura mes dy shteteve, do të rregullohen me dashuri.

Shpërngulja çame 1913

Me këtë politikë tonë të re u japim të kuptojnë grekofonëve të Shqipërisë që tani e tutje duhet ta ndjejnë veten si pjesë të shtetit shqiptar. Pa asnjë rezervë dhe prapamendim i quajmë kufijtë e sotme midis Greqisë dhe Shqipërisë si kufij definitivë…

Greqia e njeh dhe e respekton tërësinë tokësore dhe indipendencën e Shqipërisë pa rezervë. Me këtë politikë të re të Greqisë u japim fund intrigave dhe propagandave midis popullsisë grekofone të Shqipërisë, popull, i cili, këshilloj, duke mbledhur mendjen do të merret krejt me punëra të tjera paqësore dhe produktive dhe do të bëhet një faktor për përparimin dhe zhvillimin e shtetit shqiptar.

Aspak dhe në asnjë mënyrë nuk përzihemi në punët e brendshme të Shqipërisë dhe politikat, të cilët po caktojmë, është politikë kundrejt Shqipërisë pa vënë re qeveritë dhe regjimet e ndryshme ne Shqipëri. Shpresoj të arrijë që në kohën e ministrisë sime të vë vulën e fundit në restaurimin e plotë të miqësisë greko-shqiptare, gjë që e quaj vepër kombëtare të madhe….

Dita