Turqia mbyllë televizionet e kurdëve

Saga e censurës në Turqi, pas grushtit të shtetit, vazhdon. Qeveria e Ankarasë ka nxjerrë urdhrin për të mbyllur 20 televizione dhe stacione radiosh, me pretekstin se ata bëjnë propagandë terroriste.
Shumica e stacioneve televizive të censuruara janë në pronësi të kurdëve apo minoriteteve të tjera. Koordinatori i televizionit “IMC” shprehu zemërimin e tij dhe kolegëve të tjerë të medias.
“Kuptojmë se tentativa për grusht shteti ka krijuar një tjetër grusht shteti, të udhëhequr këtë herë nga Erdogan. Si shumë sisteme të tjera autoritare, targeti i pare i tij janë grupet demokratike. Por përpara se të ndërmarrin një hap të tillë, ata duan të mbysin zërin e lirë të medias, që praktikisht është zëri i shoqërisë demokratike”, tha ai.
Por Erdogan ka vazhduar me axhendën e tij, duke dekoruar princin e Arabisë Saudite, Mohammed bin Nayef. Sipas presidentit, kontributi i tij në rajon është shumë i madh, kryesisht në çështjen e sigurisë.

Telefonata nga Moska që shpëtoi Erdoganin

Të mos ishte thirrja telefonike nga Moska, do të ishte në pikëpyetje se presidenti turk Rexhep Taip Erdogan a do të ishte gjallë, dhe të mos flitet më për pushtet. Sipas të dhënave të disa mediave ruse, puçi ishte planifikuar të fillonte në orën 3 të mëngjesit, por ai nisi 6 orë përpara më 15 korrik.

Në atmosferën e rikthimit të marrëdhënieve Turqi – Rusi, pas rrëzimit të avionit rus, shefi i shërbimit sekret rus FSB, Aleksandar Bortnjikov më 15 korrik pasdite i bën një thirrje telefonike kolegut të tij turk, shefit të sigurimit shtetëror MIT, Hakan Fidan, si njeri i besuar i Erdoganit. Bortnjikov i ka thënë Fidanit se ka informacione se në tërë aeroportet e Turqisë po furnizohen dhe mbushen me naftë helikopterët dhe avionët luftarak dhe se ai ka pyetur kolegun turk se a ka kjo lidhje me operacionet në Siri apo bëhet fjalë për stërvitje. Fidan është habitur me këtë dhe se menjëherë merr në telefon shefin e shtabit të përgjithshëm të ushtrisë, Hulusi Akar. Ky i fundit ka thënë se nuk di gjë për çka bëhet fjalë dhe se i ka premtuar se do të hetojë këto informacione. Por pas një ore Akar nuk i paraqitet Fidanit, pasi që ai ishte rrëmbyer në shtabin e përgjithshëm. Shefi i shërbimit sekret më pas informon Erdoganin për skenarin, i cili po pushonte në Marmaris. Atëherë ata thërrasin gjeneral – majorin Zeki Aksakali, komandantin e forcave speciale, për të nisur operacionin e shpëtimit.(INA)

Papa Françesku: Korrupsioni është si një lloj droge

Korrupsioni është si një lloj droge që të krijon varësi, pohoi sot Papa Françesku në prani të mijëra besimtarëve të mbledhur në Sheshin Shën Pjetri në Vatikan.

“Disa kanë një lidhje me korrupsionin si me drogën. Ata besojnë se mund t’a përdorin dhe të ndalen kur të dëshirojnë”, sqaroi papa argjentinas me rastin e lutjeve të së dielës.

“Niset nga diçka e vogël, një shumë e vogël diku, një rryshfet atje dhe në këtë mënyrë kemi humbur lirinë tonë”, paralajmëroi ai, duke shtuar se korrupsioni prodhon gjithashtu “varësi” dhe gjeneron varfëri dhe vuajtje.

Papa Françesku: Korrupsioni është si një lloj droge

Korrupsioni është si një lloj droge që të krijon varësi, pohoi sot Papa Françesku në prani të mijëra besimtarëve të mbledhur në Sheshin Shën Pjetri në Vatikan.

“Disa kanë një lidhje me korrupsionin si me drogën. Ata besojnë se mund t’a përdorin dhe të ndalen kur të dëshirojnë”, sqaroi papa argjentinas me rastin e lutjeve të së dielës.

“Niset nga diçka e vogël, një shumë e vogël diku, një rryshfet atje dhe në këtë mënyrë kemi humbur lirinë tonë”, paralajmëroi ai, duke shtuar se korrupsioni prodhon gjithashtu “varësi” dhe gjeneron varfëri dhe vuajtje.