Shkruan Rudi Berisha
Kryetar i KL “Zahir
Pajaziti” nga Prishtina
Stubëll, Viti – 24 shtator - Duke udhëtuar
nga Prishtina për të marrë pjesë në Manifestimin Letrar, Kulturor dhe Shkencor
“Takimet e Dom Mikelit 2016”-Edicioni 27, u takuam me shumë musafirë dhe
pjesëmarrës ( shkrimtarë, poetë, artistë, aktorë, gazetarë, profesorë , klerikë
etj) nga shumë qytete dhe vise jo vetëm të republikës së Kosovës, por nga të
gjitha trojet shqiptare (Presheva, Tirana, Shkupi, Gostivari, Besian, Bujanoci
et).
Manifestimi në fjalë ishte organizuar nën
patronatin e MKRK dhe të DKRK së Vitisë.
Ky manifestim mbahet prej vitit 1990, ku
kanë marrë pjesë përfaqësues të dijes, kulturës dhe artit nga të gjitha trevat
shqiptare. Pra në këto takime të mbajtura rresht për 26 vjet janë paraqitur me
pika e punime të ndryshme poetë, artistë, muzikantë, klerike e deri edhe ambasadorë, siç ishte rasti në
takimin e djeshëm, me parqitjen e z. Visar Zhiti (Ambasador i Shqipërisë pranë
Selisë së Shenjtë në Vatikan).
Programi filloi me intonimin e hymnit
kombëtar dhe të hymnit të Republikës së Kosovës, për të vazhduar me një pikë
nga Okteti i qytetit të Vitisë.
Me një fjalë përshëndetëse para
pjesëmarrësve u paraqit nënkryetari i Komunës së Vitisë, z. Hasan Aliu, i cili
përshëndeti takimin në emrin e tij peronal dhe në emër të kryetarit të Komunës
së Vitisë, z. Sokol Haliti. Në veçantë ky i përshëndeti familjet e dëshmorëve,
që ishin të pranishëm në takim, në masë të madhe. Nënkryetari gjatë fjalimit të
tij foli dhe na e rikujtoi shenjtërimin e para disa ditëve të Nënë Terezës,
pastaj foli edhe për traditën arsimore dhe kulturore të Stubllës, duke
përmendur edhe fillimin e shkollës së parë të legalizuar shqipe në vitin 1905.
Pastaj, me një fjal rasti, për t’i
përshëndetur të pranishmit u paraqit këshilltari i kulturës nga Komuna e
Vitisë, z. Arsim Canolli
Tema bosht e këtij takimi ishte: “Nënë
Tereza dhe shqiptarët” .
Me kumtesat e tyre u paraqitën: Don Lush
Gjergji, biografi i Nënë Terezës; Visar Zhiti, poet dhe diplomat i Republikës
së Shqipërisë (ambasador në Vatikan); dhe At Valentin Salvoldi, profesor nga
Bergamo e Italisë.
Pas kumtesave të sipërpërmendura, u bë
shpallja e ekspozitës kushtuar Shën Terezës.
Pas një pauze 15-minutëshe u vazhdua me
një orë letrare, për të cilën pati shumë poetë dhe krijues të interesuar për
t’i lexuar vargjet e tyre. Përveç disave që arritën të jenë në program,
moderatorja Qibrije Demiri ( Dija ) me apo pa qëllim jashtë programit i la
poetët nga KL “Zahir Pajaziti” nga Podujeva dhe Prishtina; poetët nga SH SH
“Fahri Fazliu” nga Kastrioti, nga Klina si dhe poetët nga K L “A B C-ja poetike” nga
Shkupi, Kumanova, Gostivari e më gjerë.
Ka vite që ky program po ulë nivelin e
konkurrimit, ngase aty lexojnë persona pa asnjë kriter dhe nuk lejohen që të
lexojnë poetët që janë dëshmuar edhe me botimet e tyre ( ndalohet fjala e lirë,
u hiqet e drejta e konkurrimit poetëve që shumë vite i kanë falë kulturës,
gjuhës dhe kombit në përgjithësi jetën dhe djerësën e tyre, por edhe atë
materialisht). Kjo rrugë është rrugë e gabuar, ky Manifestim dje ka qenë për
dhimbje.
Fjalime të gjata dhe monotone, pika tëlexuara, që ishin gjithçka
tjetër, por vetëm poezi s’ishin. Pra, nuk ishin poezi, as prozë , dhe ka qenë
ky Manifestim në nivelin më të ulët që kemi parë dhe kemi përcjellë gjatë
gjithë jetës sonë...
Rudi Berisha
Stubëll – Viti, 24 / Shtator / 2016
No comments:
Post a Comment