Ngreu, Rozafa jonë, 2500 vjeçare, ngreu 25 shekuj, boll, u dergje nën gurë po vjen sulltani, se vdiq Skënderbeu se të ishte buçkua, nuk do shkelte kurrë

Meti Fidani 

  Saint Petersburg, Florida, United States · 

DIL PREJ GURËVE, MOJ MOTËR ROZAFË

Thonë se, Erdoganosulltanoturqit, qënkan te interesuar që të ringrene xhamine e Sulltan Mehmetit, brenda ne Kalane e Rozafës në Shkodër.. Kalaja 2500 vjecare, per te cilen, sipas legjendes, u flijua, nusja Rozafë, eshte objekt i trashegimise tone kulturore, nuk mund të kthehet ne objekt fetar, aq me shume në nje xhami, me emrin e pushtuesit, aq me shume me ndihmen e atyre qe na pushtuan per 500 vjet… Mendimi im.

Dil, moj e gurosura, në kalanë e vjetër

ngreu Rozafa e Ilirisë,ngreu moj motër

zgjo edhe burrin, zgjo, dhe tët kunetër

ngreu,se Sulltani,asht nis, për Shkodër

Ngreu, Rozafa jonë, 2500 vjeçare, ngreu

25 shekuj, boll, u dergje nën gurë

po vjen sulltani,se vdiq Skënderbeu

se të ishte buçkua,nuk do shkelte kurrë

Do vijë, me gjysmën e hënës ,mbi flamur

siç erdhën Dobiça,Viçiça,Venizellë

do vijë, siç erdhi ,dhe malazezi dikur

e një kishë të ngriti,në obor,në kështjellë

Thonë, dhe emrin kalasë,sulltani, do tja ndrojë

dhe ty Rozafë, do të thrresim Xhemile

e bën Sulltan Mehmeti, e bën kur të dojë

se do sjellë para, e florinj, me kile

Për para , moj Rozafë,ç'nuk bëjmë ne, për para

kollomaqen, ja puthim Sulltanit,hasmit të vjetër

për para, dhe grekut dhe serbit,ja shesim gjithçka

dhe emrat i shesim,dhe kështjellat, dhe detin patjetër

Për para ,ne e nxjerrim në ankand,dhe Ilirinë

veç xhepat ti mbushim, e florinj, të na varin në qafë

ngreu moj motër,ngreu, e hasmit i trego tapinë

moj nusja iliriane,moj e bukura ,Rozafë

Meti Fidani

Meti Fidani 

  Saint Petersburg, Florida, United States 

--------------------------------------------------------------------------------------------------------------

SHPIKJA E BABANARIT - Poezi nga Meti Fidani.

SHPIKJA E BABANARIT

Na futën dë fund të gropës

ne devollinjve, na bën rezil

pse i vumë,syze lopës

ti dukej kashta, tërfil

Uuu,na hëngshi të pangrënët

ç'të keqe ka,nuku e di

i vum' syze ,njëher' dë hënët

dhe na i kini, histori

Eh kjo shpikje e devolliut

morri dhen' , e iku jashtë

i polli mendja të ziut

se s'i hante, lopa kashtë

Devolliut, i doli fama

gënjef lopën me meritë

shihni tregun, me reklama 

po na vën' ,syze përditë

Na del shkenca,për turp të botës

na vjedh shpikjen e devolliut

ne i vumë syze lopës

shkenca, po i vë njeriut

E çfar' syze,mor' i shuar

syze qorri ,me dy rrathë

tregu,shkenca e përparuar

sapunin ta shet për djathë

Babanari gjë e zgjuar

gënjef lopën,me një reklamë

jemi bot', e qytetruar

e na gënjejn' ,e s'dimë ç'hamë

S'dim çfar' hamë, mor' të gjorë

vijn' nga turku,vijn' nga Kina

sheh fëmijët, në çdo dorë

nga një qese. patatina

Nxirr tepsinë me patate

devolliçe, dë prush të pjekur

mos u lodh, shkoj e vate

nuk i hanë, gjall' a vdekur

Jo, patate s'futin n'gojë

e kan' mendjen patatinë

qeska-qeska,lojë-lojë

se nga bëhen, nuk e dinë

Vijn' nga Kina, a nga Europa

nga Brazili,a nga Turqia

mos shikoni, ç'hëngri lopa

shihni ç'hanë, njerëzia

S'dimë ç'hamë, e ç'kemi ngrënë

edhe kashtën e babanarit

o çfar syze,na kan' vënë

na kan' hedh', trut' e gomarit

         --------------------------------------------------------

----------------------------

Meti Fidani

Saint Petersburg, Florida, United States · 

-------------------------------------------------------------------------------------------------------------------------------------------------