FSHATI IM - nga - SALI BUTKA.

FSHATI IM - nga - SALI BUTKA

Poezi

- - - - - (Kushtuar Butkës) - - - - -

Në një bregore një fshat i bukur,

Shkëlqen së largu e vetëtin,

Po si fortesë fare pa tundur,

Jetën e pleqtë e përsërit.

Klimën të mirë, ujë të shumë,

Shumë i vlerë për bujqësi.

Ndë kryet të fshatit, vija si lumë,

Kullotë shumë për bagëti.

Njerëz të ndershëm dhe janë trima,

Edhe të dashur për mëmëdhenë,

Dhe punëtorë si vetëtima,

Njeri të varfër këtu nuk gjen.

Fusha dhe male plot me burime,

Me gjë të gjallë mbushur plot,

Për të gëzuar zemrën time,

Sa udhëtari nuk i shkruan dot.

Zile, këmborë, kecër e shqera

E përmbi lulet po fryn veriu,

Maja të larta, fusha të gjera,

Për të zbavitur shëtit njeriu.

Fqinjët rrotull s’i lë nakari

Dhe po përpiqen të na përzënë

E kanë synë ndë Shqiptari,

Edhe në prehje s’duan ta lënë.

Në gjykatore me të pa bëra

Po na mundojnë pa ndo një faj

Janë gënjeshtra ato të tëra

Jetën s’mendojnë për paskëtaj.

Sali Butka

kanunitv.blogspot.al/2016/11/10.

 Posted Mili Butka

 Butka