"Një popull që voton politikanët e korruptuar nuk është viktimë, por bashkpunëtor!"

-----------------------------------------------------------------------------------------------------------

Kam vënë re të hapet një debat nëpër disa forume shqiptare rreth Bunke'Art.

Reagimet janë të ndryshme disa pro, disa kundra. Nuk jam shumë i informuar për këtë vepër përtej disa videove që kam parë në YouTube dhe fotove që janë postuar në fourme të ndryshme. Gjithashtu nuk kam parë as edhe një postim të vetëm në FB të paktën nga miqtë e mi. Desha të ndaj këtë video me ju. Një video prekëse dhe tepër domethënëse.

Tani për mendimin tim ajo që ka rëndësi nuk është emri por përmbajtja. Ajo që ka rëndësi është çfarë ka në bunker, çfarë po tregohet aty, edhe pse mund të mos jetë në shkallën dhe gjerësinë e duhur. Sidoqoftë mundohet të zbardhi sado pak apo më shume dritë mbi një të kaluar që shumë shqiptarë akoma nuk e dinë; 26 vjetë më vonë. 

Në vidion e mësipërme pamë se si një e huaj qan si një fëmijë me atë që ka parë brenda bunkerit. Lotët e saj, dalë nga sytë e një individi të lindur dhe i rritur në një botë të lirë me një kulturë ku njeriu respektohet mbi çdo gjë tjetër, janë vërtetë një pamje tronditëse. Reagimi i saj është sa i ndershëm po aq edhe i drejtë. 

Sepse vetëm ata njerëz të lindur dhe të rritur në një shoqëri humane, dhe ata që e hëngrën në kurriz komunizmin alla-shqiptare për 45 vjet mund të kuptojnë se çfarë i është bërë popullit shqiptar në të vërtetë. Një pjesë e mirë e shqiptarëve vetë nuk reagojnë në këtë mënyrë, ndoshta ngaqë janë të mpirë, ndoshta për arsyen se për ta trajtimi i njeriut në këtë mënyrë është kthyer në “normale”. Nuk dinë dhe nuk kanë parë më mirë se kaq …

E dyta në fund të videos pamë dy vajza të cilat pohojnë se në shkollën e mesme atyre nuk ju ështe mësuar asnjë gjë për periudhën e komunizmit. Thonë historia mbaron në 45-ën dhe fillon në 90-en por edhe kjo pjesë përciptazi. Tani si është e mundur që 26 vjetë më vonë mos të mësohet historia e kohës së komunizmit në Shqiperi? A nuk bie kjo në përgjegjësinë e të gjitha qeverive sidomos atyre që kanë qëndruar në pushtet për kohën më të gjatë për këto 26 vjetë?

Pra ajo që shikoj unë është dyluftimi i përhershëm mes shqiptarëve.

Politizimi i cdo gjëje. Kur PS-ja bën diçka thonë si guxojnë këta të bëjnë gjëra të tilla kur prindërit e tyre janë përgjegjës për shumë nga ato krime që tregohen në këtë bunker? Zakonisht kjo është shtresa simpatizante e PD-ës që për mendimin tim ose shpresojnë të mos jetë më 'klasa' jonë sepse mendoj dhe shpresoj që tashmë e dinë shumë mirë se kush është PD-ja dhe kryetarët e saj qoftë të vjetërit qoftë të rinjtë në shembëlltyrën e qoftlargut që po përgatiten për pushtet. 

E di që këto që po shkruaj mund të mos i pëlqejnë dikujt që është lidhur me këtë parti, ndaç për interes ekonomik, ndaç nga shpresa se ata mund të jenë vërtet përfaqësuesit e njereëzve të vuajtur dhe ato me bindje të së djathtës së vërtetë. Për mua fjalët i mer era, veprat janë ato që zenë vend. Dhe deri tani në Shqipëri nuk ka patur kurrë një të Djathtë të vërtetë. Të paktën që nga 45-sa e deri sot. Prandaj është humbje kohe dhe hedhje uji nën mullirin e atyre që duan të na mbajnë të përçarë e sundo kur bëjmë dallime të tilla. 

PS-ja dhe PD-ja janë njësoj. Janë parti bija të nemeklaturës komuniste. Nëse kjo është akoma e paqartë për disa atëhere nuk është faji i politikanëve që  {tallin bythën (shënimi im)] e mbajnë popullin peng por i atyre që i votojnë dhe i përkrahin. 

"Një popull që voton politikanët e korruptuar nuk është viktimë por bashkpunëtor" 

George Orëell

Shkruan: Mana Dine