Shën (Varvara) Barbara.
Shenjtore (Barabara) Varvara jetoi në vitet e perandorit Maksimiano (286-305
pas Krishtit).
Ishte vajza e paganit
Dioskor, i cili ishte ndër paganët më të pasur të
Iliupolit.
Shën Varvara kishte një bukuri të vecantë dhe për këtë arsye i
ati e mbante të mbyllur në një kullë. Nuk kemi të dhëna se kush i foli dhe i mësoi të
vërtetat e besimit të krishterë. Duke qënë se i ati besonte dhe
adhuronte idhujt, Shenjtorja e mbante të fshehur besimin e saj. Por rastësisht
një veprim i saj bëri ta kuptoj Dioskori besimin e të
bijës.
Shën (Barbara) Varvara kërkoi të hapnin në kullën ku e mbanin të mbyllur, tre
dritare në emër të Trinisë së Shenjtë. Kështu Dioskori u bind se vajza e tij
ishte bërë e krishtere.
U inatos aq shumë sa e ndoqi me shpatë nëpër kullë që ta
vriste. Shenjtorja arriti të shpëtonte për momentin dhe u fsheh në
mal. Dioskori e ndoqi dhe e gjeti. E morri dhe ia dorrëzoi gjykuesit Makriano me
akuzën se ishte e krishtere. Kur e pyetën, ajo pohoi me guxim besimin më Krishtin
dhe mohoi idhujt.
Atëherë iu nënshtrua torturave rrënqethëse. Pasi
e torturuan, e nxorrën të zhveshur nëpër rrugët e qytetit dhe në fund
u ekzekutua nga vetë babai i saj. Në momentin që i preu kokën, Dioskorin e gotiti
një rrufe dhe ra në tokë i vdekur.
Në shumë ikona Shën Barvbara paraqitet me një kupë në dorë,
si mbrojtëse nga vdekja e papritur dhe duke mos dashur që të humbasin
Kungimin e Shenjtë ata që janë duke vdekur.
Kisha jonë feston kremtimin e saj më 4 Dhjetor.
Përkthyer nga N. Ikonomi
No comments:
Post a Comment