Nëse sytë janë pasqyra - Poezi nga Gentjan Hasanas.

Gentjan Hasanas

NËSE SYTË…

Nëse 

sytë janë pasqyra, 

në 7 miliardë copëza 

të tilla, 

shikon fytyrën gjithësia

Nëse

sytë janë ëndje; 

e dehur 

është bota.

Nëse 

sytë janë shkëlqim, 

thua:

çdo mëngjes 

miliarda yje çelin!

Ah, 

plogështia...

Nëse 

bota sot është e vranët, 

nëse Perëndia s’e sheh udhën... 

ndizni diellin 

te ata sy;

Bëhuni mbi 7 miliardë diej të vegjël!

---------------------------------------------------------------------------------------

Lotin e vesës

nga faqja e livadhit

e fshiu dielli.

Si fjalë ngazëllimi

te buzët e burimit

harabelat lajnë krahët.

Vesh gjethesh përgjojnë,

sy jeshil çelin.

Mbetem i pagojë,

nuk mundem malin ta var

në Galerinë e Arteve;

s'kam një kornize të madhe,

por kam

faqet, sytë, buzët e tua 

dhe një hajmali të vogël

në qafen time;

varur e gjthe bota!

Gentjan Hasanas

...(volos..18..1..17.(

=============================================