U
lodha
duke thënë
të dua shumë, të kam xhan…
Pres dashurinë
të shfaqet sërisht tek unë
si ardhja e dytë e Krishtit.
Dhe
ditët e mia
torturohen
nën pushtetin e Djallit.
Oh, dashuri!
O zot!
Jeni apo s'jeni?!
U lodha
së dërguari mesazhe
me trendafila,
me zemra,
e lepurushë,
të përqafuar.
Jetë kartoni!
Ti dhemb.
për personazhe që nuk ekzistojnë,
dhemb
për mostakimin e tyre.
U lodha
të dua njerëz 'në “formën time'',
të shformuar,
pa asnjë ngjashmëri
me ''etalonin” e dashurisë'
… që ruhet në Zvicër.
---------------------
Të
ngrira
u varën ëndrrat
qerpikëve të tu,
si qirinj
akulli nën strehët e çative.
Dielli,
emigroi me zogjtë
Ndoshta,
diku tjetër,
Sozitë tona puthen.
por ne,
duhet të presim pranverën…
-----------------------------------------------------------------------------------------------------------------------------------------
https://milibutka.blogspot.al
No comments:
Post a Comment