Cikel poetik për Festën e Lumnimit të 38 Martireve, 5 Nëntor 2016, Meti Fidani.

Festën e Lumnimit të 38 Martireve, 5 Nëntor 2016, e përshendes me një tufë poezish..Me shpirt e zemer jam në Shkodër..Atje ku pas Nënë Terezës, lumturohet dhe Marie Tuçi, lumturohen edhe 38 martirë të tjerë. Përshëndetjet e mia Shkodra...

PO VDES NANË,SOT PO VDES

(Kushtuar Të Lumes Marie Tuçi)

Nan' e dashtun,sot po vdes

më kan futur,të gjall' në thes

lakuriq, tok me një mace

më kan mbyll ,në thes linace

N'burg të Shkodrës,po m'del shpirti

po ma merr nan',shef Seiti

jashtë thesit ,shqip po flasin

më shqelmojn',e më godasin

ligësia, nuk ka ngjyrë

shqelm në bark,shqelm në fytyrë

Po vdes nanë,sot po vdes

një lëmsh gjaku,brenda n' thes

nuk ka vend imagjinata

kriminel,shpirtzinj si nata

më kan ça, bark e zorrë

hajde nan, e ver' një dorë

Mbaju nan',mbaju burneshë

më sill teshat ,e m'vish murgeshë

mos qaj nan,jam bij Mirdite

s'na kan mposht,tash ndër vite

as dhe shkau, as dhe turku

as Enveri, as dhe burgu

as bollshik, e as titista

as hetues ,as komunista

Po vdes nanë,moj un' e zeza 

shko më sill,një palë ndresa

njëzet e dy, sapo kam mbush

nuk du' nan', me m'qa kurkush

as n' Orrosh ,e as Ndërfush

as në bjeshkë,atje thellë

as në Fan, e as në Kthellë

as n'Kurbnesh ,e as n' Selitë

as kurkund ,nëpër Mirditë.

Zoti nan, ka pat' mëshirë

më ka dërgu,të vdes e lirë

më sill ndresat,po të pres

po vdes nanë,sot po vdes

M.Fidani..

II

NJË FALJE,PËR SHKODRËN MARTIRE

(Kushtuar Festës së Lumturimit,te 38 martireve te Kombit..

Dita e shtunë 5 Nentor 2016,le te jete dhe dita e faljes,per ata qe i torturuan dhe i vrane ne menyrat më të tmershme e te paimagjinueshme)

Mblidhuni nipër e mbesa ,të Kastriotit

drejt Shkodrës të vërshojmë,si lumenjtë

mblidhuni të lumturojmë,Të Lumët e Zotit

mblidhuni në Shkodër,në festën e shenjtë

Mblidhuni në Shkodër,në mrekullinë e Zotit

Shkodra martire ,ka hapur kraharorin

Shën Shtjefni po pret,ata burra prej motit

Shën Shtjefni ,po pret 5 Nandorin

Në Shkodër lumturohen 40 martirë

ejani dhe ju, që shpirtin jua morrët, me tortura

ejani ,dhe ju hetues,dhe ju djaj me brirë

ejani ,ejani,mos u trembni bre burra

Mos u trembni,ejani ,dhe ju, persekutorë

me dekorata ejani,askush s'do tua vjedhë

mos u trembni, se askush,s'u prek me dorë

se askush, sdo tua kthejë,me të njëjtën monedhë

Eja dhe ti, që më mbyte At Serafinin

ezofagun ja shkule prej gryke,si kasap

eja dhe ti ,që kockat ja theve Bernardinit

atij ,që Fishtën e ndiqte,në çdo hap

Trimit,, që flamurin e ngriti,ndër trojet shqiptare

për trimërinë dhe Krajli,e fali një shqiptar

veç ti o shqipfolës,e vrave, nuk pyete fare

e vrave,po ku? nuk dihet, ku ?.. s'ka varr

Eja dhe ti,që më vrave, Gjon Shllakun e mirë

eja dhe ti ,që mbive gjyqtar,prej askushit

eja dhe ti,ty po të them..,ptuuu ,mor' ndyrësirë

që brinjët dhe kockat,ja dërmove Prennushit

Dhe ti, që Lazër Shantos ,ja sharrove këmbët

dhe në kokë i vërviteshe, me një hekur

dhe nofullat ja theve,ja theve dhe dhëmbët

sa mbeti një kufomë ,as gjallë, e as vdekur

Dhe nëna të birin,se njohu, kur e ka parë

të kujtohet o vrasës,a kujtesa të humbi

-Ma vri djalin-të tha-ma vrit, një orë e më parë

se s'ka ma ambël,kur vdekjen e merr plumbi

Eja dhe ti,që Marie Tuçin ,e xhveshe lakuriq

tok me macen e egër,e mbylle në thes

e di që do më thuash,zbatova një ligj

e di që do më thuash,vdekjen po pres

Ejani,të gjithë,ju duarlyerit me gjak

dhe flakini në Drin,dekorata e medalje

një nder të vogël ju dua,të vogël, farepak

veç Shkodrës loce,i kërkoni një falje

M.Fidani..

.

III

KACURELAT E TUA

(Kushturat kompozitorit 20 vjecar, Gac Çuni,autori i Kaçurelat e tua,bashkevuajtes me shume martire të Lumturimit..Vdiq nga semundja dhe torturat në burg..Vetëm 20 vjeç djalë)

Në burg po vdes,kaçurelsja ime, e mirë

un' 20 vjeçari ,po dergjem këtu

një kitar' e lodhur,e një biruc' e ngrirë

dhe nji kang' dashnie ,për kaçurelat e tu

Kitarën ma thyn, veç druni, veç teli

un' kangën ,për ty , tash e kam mbaru

e mallkuar qoftë, kjo birucë Burreli

që më ndau përjetë,nga kaçurelat e tu

Në burg ,se s'kndova ,musteqeve t'Stalinit

as balukeve t' Enverit, s'u kndova ,gjithashtu

s'i kndova ,as kaçurelave të Retës e Xhuglinit

o m'marshin të keqen ,e kaçurelave të tu

Në qoshe t'birucës,po shuhem, i strukur

një lëmsh gjaku,në fyt ,m'ka shtërngu

po vdes,dhe kndoj, kaçurelsja ime e bukur

kangën e dashtun ,për kaçurelat e tu

Po vdes shkodrania ime,po vdes dalngadalë

po Shkoder locja, s'ka me m'haru

se ka qindra Ndojë,Ndocë ,e Alibalë

e n'shekuj do kndojn',për kaçurelat e tu

M.Fidani...

IV

.NE BUKËSHKELURIT,AT

(Me keto vargje dua të sjell dhe Fishtën, në Festën e Lumnimit)

Ne bukëshkelurit,ne faqenxirrët, At

që 50 vjet,u çmendëm pas të marrit

ne, dhe te vdekur,s'të lamë rehat

dhe eshtrat e lodhura,ti shkulëm prej varrit

Ato eshtra, që na sollën,të parën abetare

ato eshtra ,që tundën Kongresn' e Manastirit

ku ti hodhën At,ku,..ah, nuk dihet fare

në Bunë,në Drin,a në zallishtet e Kirit

Ato eshtra,që tundën,Konferencën e Fuqive

ato eshtra që trëmbën,mbretër e baronë

ato eshtra, që ballë u bënë hordhive

ato eshtra, që shpëtuan,Shqipërinë lehonë

Ne bukëshkelurit,At, ne,me marksizëm helmuar

infektuar me teza.me pleniume ,me frikë

në atë gjysmën e dytë,të shekullit të shkuar

me historinë u tallëm, i veshëm politikë

Ti na le testamentin, me shkronja,me shtet

ne kockat ti hodhëm,në lumenj e zallishta

o zot,ç'mëkat ,se lan as lumë,as det

ne bukëshkelurit,ne,...i miri im,At Fishta.

Meti Fidani .

 · Saint Petersburg, Florida, United State·